Откако ќе дознаете што се можете да направите со нив, никогаш повеќе нема да ги фрлате.
Во кутијата со нови чевли, облека и други нови работи често се сретнуваат мали вреќички со силика гел, кои ја апсорбираат влагата и на тој начин ја штитат купената стока од влажност. На вреќичките, исто така, пишува дека не смеат да се јадат, но тоа предупредување е само поради тоа што постои ризик од задушување бидејќи самиот силика гел не е токсичен.
Спасете го мобилниот телефон што паднал во вода
Наполнете го садот со вреќички со силика гел и тие ќе ја впијат целата вода која влегла во мобилниот телефон. Некои велат дека овој начин на спасување на натопен мобилен телефон е 10 пати поефикасен отколку кога се користи ориз за истата цел.
Зачувајте ги старите фотографии
Во кутијата во која ги чувате старите фотографии ставете вреќичка со силика гел и тоа ќе спречи собирање на влага во кутијата која може да ги оштети вашите фотографии. Спомените на тој начин ќе траат и траат…
Заштитете ја вашата шминка
Во несесерот за шминка ставете една или две вреќички силика гел, кој ќе го спречи прекумерното сушење на пудрите и шминките на база на пудра поради што потешко се нанесуваат.
Спречете ги непријатните мириси во торбата со опрема за вежбање
Силика гелот ќе ја впие влагата која се акумулирала во патиките и облеката после вежбањето, што е особено практично со оглед на тоа дека многумина од нас по завршување на тренингот ја оставаат опремата во торбата до крајот на денот, па и подолго. Бактериите обожаваат влажна средина, па со отстранување на влагата ќе го спречите нивното насобирање, а и опремата за вежбање нема да има непријатен мирис.
Неколку вреќички со силика гел ставете врз контролната табла на автомобилот што ќе ја спречи акумулацијата на влага и кондензацијата од внатрешната страна на шофершајбната
Зачувајте ги крпите мирисливи
Ставете неколку вреќички силика гел меѓу здиплените крпи. Влагата и чудниот мирис што доаѓа од нив потполно ќе исчезнат, а вашето купатило ќе мириса единствено на освежувачот на воздух и омекнувачот за перење.
Одржувајте ја шофершајбната чиста
Неколку вреќички со силика гел ставете врз контролната табла на автомобилот што ќе спречи акумулација на влага и кондензација од внатрешната страна на шофершајбната. Во зима вреќичките со силика гел, исто така, ќе спречат замрзнување од внатрешната страна. Бидете трпеливи на силика гелот можеби ќе му требаат неколку дена за да стане целосно ефикасен.
Одржувајте го накитот чист и сјаен
Во контакт со влага среброто потемнува и ја губи бојата. Неколку вреќички со силика гел во кутијата за накит, значително ќе го забават овој процес.
Дополнителен совет: Вреќички од силика гел што се уште не ги користите чувајте ги затворени во посебен сад кој не пропушта воздух.
