Во последните години кокосовото масло благодарение на единствената комбинација на масни киселини стека статус на супер храна. Ова масло содржи здрави заситени масти кои брзо ги обезбедуваат мозокот и телото со енергија и го поттикнуваат согорувањето на мастите во организмот. Станува збор за средноланчани масни киселини кои директно се преработуваат во црниот дроб, каде веднаш се претвораат во енергија.
Интересно е дека кај жителите на некои острови на Јужниот Пацифик кокосот и производите од кокос прават 60 % од дневниот калориски внес, како и дека овие популации се со одлично здравје и имаат ниска стапка на срцеви заболувања.
Позитивните здравствени ефекти на кокосовото масло се припишуваат на средноланчаните масни киселини како што се каприлна, карпинска и лауринска киселина кои нашето тело полесно ги вари и не ги претвора лесно во масни наслаги. Во едно истражување е потврдено дека луѓето кои повеќе јадат вакви масни киселини внесуваат помалку калории во текот на денот, како и дека во таа прилика се зголемува дневната потрошувачка на калории и за 5 %. Заради ова кокосовото масло би можело да им помогне на личностите кои сакаат да ослабат.
Благодарение на споменатите масти кокосовото масло, исто така, поседува и силно фунгицидно, антибактериско и антивирусно дејство. Кога станува збор за кардиоваскуларното здравје, некои постари истражувања покажале дека лауринската киселина во кокосовото масло го зголемува нивото на „добар“ ХДЛ холестерол, кој го отстранува вишокот на холестерол во крвта и го држи нивото на „лошиот“ ЛДЛ холестерол под контрола.
