Од почетокот на пандемијата со новиот коронавирус, редовната хигиена на рацете е клучна за спречување на ширењето на КОВИД-19. Најефикасниот начин за отстранување на сите видови микроби е темелно миење со вода и сапун, но кога сме надвор и не ни се достапни, соодветни се и дезинфициенсите за раце на база на алкохол.
Со прскање на дезинфициенс во форма на спреј или со капнување на рацете, а потоа со брзо бришење нема да го искористите на најдобриот можен начин, па обрнете внимание на вообичаните грешки кои ги прават луѓето.
Со дезинфициенс мора да се покрие целата површина, па една од честите грешки е нанесување на недоволна количина на средство за дезинфекција. При тоа, мора да се води сметка на дланките, односно на едната дланка да се нанесе доволна количина за двете раце.
“Не морате да се грижите околу претераната употреба на дезинфициенси, оти тука нема проблем’, вели д-р Зек Меккини, лекар од Минесота.
Исправниот начин на употреба во основа е да се обезбеди дезинфициенсот да ги покриве двете ваши раце, вели д-р Меккини и додава дека луѓето често грешат уште на самиот старт не ставајќи доволно средство на дланките.
Кога ќе нанесете доволно средство за дезинфекција на рацете, потрудете се доволно долго да ги триете за со него да ја пкриете секоја нерамнина. Светската здравствена организација препорачува триење од најмалку 20 до 30 секунди и нуди детални упатства за правилната техника на дезинфекција на рацете.
Томас Русо, шеф на одделот за заразни болести на Универзитетот Бафало во Њујорк, вели дека најголемиот ризик при употребата на средствата за дезинфекција е непокривањето на цели раце.
“Ги триеме деловите на прстите странично на дланиките, ги триеме нивните врзвои, но не ги триеме прстите од другата страна, помеѓу нив, ниту пак надворешната страна на палците“, вели Русо и додава дека мора да бидеме сигурни дека сме ги покриле сите тие делови на прстите.
Според препораките на Центарот за контрола и превенција на болести (CDC), рацете треба да се тријат околу 20 секунди, додека не почувствуваме дека се суви.
“Ако не почекате да се исушат, во суштина може да се случи средството да го избришете од нешто, а тогаш тоа нема да ја изврши својата функција“, вели Меиккини и објаснува дека деактивацијата на одредени бактерии и вируси се случува во моментот на втривање на средството на нашите раце.
Триењето на средството за дезинфекција се додека не се исуши, вели Русо, е добро, бидејќи ги поттикнува луѓето темелно да го протријат секое делче на површината на рацете.
Ако имате потреба да ги измиете рацете по јадење или занимавање со спорт, темелно измијте ги со вода и сапун, оти на нив има нечистотија или маснотија, а спрејот за дезинфекција или гелот нема да биде голема помош.
“Средството за дезинфекција не може ефикасно да продре до површината на рацете ако на некој дел нов има нечистотија. Триењето на рацете, како што тоа го правиме при миењето, е поефикасно, бидејќи ги елиминира бактериите и со механичкото дејство“, вели Меккини.
Добро е да се сфати правилното користење на средствата за дезинфекција на рацете како ефикасен начин на забавување на потенцијалното ширење на коронавирусот, но не треба да биде единствената превентивна мерка која ја превземаме.
“Луѓето мислат дека дезинфициенсите за раце се разумна замена за миењето раце, но дефинитивно не е. Миењето раце и многу подобра, односно најдобрта работа“, додава Меккини.
Според него, КОВИД-19 примарно се шири преку респираторни капки, па затоа не смееме да заборавиме на важноста на носењето маски.
