Кое средство е најдобро за борба против коронавирусот?
Ако се базираме на избор на производи чија цел е антисептичко делување поради КОВИД-19, тогаш е оптимално да се земе оној дезинфициенс кој содржи 70% алкохол. И останатите средства со помал процент на алкохол се и натаму дезинфициенси, но препораката на Светската здравствена организациа е да се користат токму оние кои имаат околу 70%. Истото е и со оние производи кои содржат поголем процент на алкохол, и тие ги убиваат микроорганизмите, но од друга страна, премногу ја сушат и оштетуваат кожата.
Зошто постојат толку различни имиња за средствата за раце и што е биоцид?
Не треба да се збунувате, велат експертите, ако еден производ е означен како антисептик, а друг како дезинфициенс. Лаички гледано, тие имаат еднакво дејство и иста цел – уништување на микроорганизмите. Поради тоа припаѓаат во групата на биоциди, во која освен овие хигиенски средства, се и хербицидите и пестицидите. Некои биоциди се наменети за површини, некои за воздух… Кога зборуваме за производи за кожа, во нив за дезинфекција најчесто ќе најдеме алкохол, етанол, деривати на хлор или натриум хипохлорид.
А, сапун и вода? Помагаат ли тие?
Не можеме цел ден да користиме дезинфициенси без миење на рацете. Точно дека на вратата од секоја продавница има средства за дезинфекција, но можеби земената или количината што ќе ви ја испрска вработениот нема да биде доволна или нема да успеете да ја нанесете на целата рака. На тој начин сме ја задоволиле формата, но не сме сигурни дека навистина сме го заштитиле своето здравје. Затоа, сапун и топла вода се најдоброро решение.
Колку време треба да помине за рацете да ни бидат дезинфицирани?
Кога ќе ставиме дезинфициенс на рацете во случаи кога се работи за средство со околу 70% алкохол, доволно е пет до десет секунди, рацете да бидат чисти. Алкохолот брзо испарува, и затоа е важно брзо да се распореди средството по површината. Токму во тоа е најголемата разлика помеѓу различните форми на дезинфициенси. Гелот полесно ќе го распоредите оти има полимери, па под влијание на солта на потта која природно е на нашата кожа, тој се претвора во течност. Течноста некогаш е малку несмасна, оти дел ќе истече, искапе, па е поголема можноста да со количината нема да ја покриете целата потребна површина.
