Оваа нова варијанта на коронавирусот има над 30 мутации на С-протеинот (шилест протеин) поради што стручњаците веруваат дека постои можност омикрон да го избегнува посточекиот имунитет и поради тоа побрзо и да се шири.
Лекарите и научниците се обидуваат да дојдат до нови сознанија за оваа нова варијанта, а досега пет симптоми се поврзани со омикрон.
- ЗАМОР
Омикрон може да предизвика изразен замор или екстремна исцрпеност. Лицето може да се чувствува многу изморено, да има малку енергија и силна желба за одморање, а сето тоа може да го наруши извршувањето на секојдневните обврски.
- ГРЕБЕЊЕ ВО ГРЛОТО
Лицата заразени со омикрон во помала мера се жалат на болно, воспалено грло, а повеќе пријавуваат чувство на “гребење“ во грлото. Иако овие два симптома може да бидат во одредена мера слични, првиот може повеќе да биде во корелација со иритација на грлото, додека другиот е поболен.
- БЛАГО ПОКАЧЕНА ТЕМПЕРАТУРА
Блага до умерена температура е еден од знаците на на болеста КОВИД-19. Но, додека треската од претходните соеви имаше долготраен ефект на пациентите, моменталната варијанта предизвикува блага телесна температура која сама по себе се подобрува и исчезнува.
- БОЛКИ ВО ТЕЛОТО И ПОТЕЊЕ ВО ТЕКОТ НА НОЌТА
Ноќното потење исто така може да биде симптом на зараза со омикрон. Лицата толку се потат во текот на ноќта, што облеката и постелнината им стануваа мокри. Ноќното потење може да биде проследено и со други симптоми, вклучувајќи и болки во целото тело.
- СУВА КАШЛИЦА
Лекарите наведуваат дека сувата кашлица е потенцијален симтпом на омикрон. Сувата кашлица беше еден од најчестите симптоми и кај претходните варијанти.
Досегашните податоци сугерураат дека омикрон предизвикува главно благи симптоми. За разлика од претходно, лицата заразени со омикрон не пријавуваат губење на мирис и вкус, што беше карактеристичен симптом на коронавирусот на почетокот на пандемијата.
