Од сите однесувања кои не резликуваат од останатиот животински свет, единствено кое може да биде загрижувачко за време на епидемија на некоја болест, е несвесното допирање на лицето. Луѓето се меѓу ретките видови познати по тоа да го допираат лицето, а за тоа да не се свесни, што придонесува за ширење на болести, како актуелниот коронавирус.
Студии покажале дека сме посебно склони на допирање на брадата и подрачјето околу очите, носот и устата. Кога е во прашање болест, како новиот коронавирус, тоа е успешен рецепт за негово брзо пренесување.
Зошто несвесно го допираме лицето?
Сите го допираме лицето со неверојатна зачестеност. Студија од 2015 година, која го проучувала однесувањето на австралиските студенти по медицина, покажала дека дури ни тие не успеале да оддолеат на тој порив. Иако токму студентите по медицина би требало да бидат свесни за опасноста, во однос на останатите, студијата покажала дека тие лицето просечно го допирале 23 пати во рок од еден час, особено устата, носот и очите.
Луѓето и некои примати не успеваат да не го допираат несвесно лицето, а тоа е се чини поврзано со начинот на кој сме се развивале.
Механизам на смирување
Понекогап станува збор за своевиден механизам на смирување, вели Дачер Келтнер, психолог од Универзитетот Беркли.
Некои истражувања покажале дека контактот кожа на кожа резултира со ослободување на хормонот окситоцин, што може да придонесе за намалување на стресот и постигнување на поголем спокој. Други експерти за бихевиорална наука заклучиле дека допирањето на лицето е еден од начините со кои себе си си помагаме во контролирањето на емоциите и распонот на вниманието.
Мотивација за користење маски
За некои здравствени експерти, склоноста на допирање на лицето треба да резултира со поголема мотивација за користење на маски како заштита против коронавирусот.
“Носењето маска може да ја намали склоноста на луѓето да го допираат лицети, што е голем извор на зараза ако изостане соодветната хигиена на рацете“, смета вирусологот Стефан Грифин.
