Теоретски е можно, но не е веројатно, смета д-р Дин Блумберг, педијатар.
“Мали се шансите да се исполнат сите услови за да таква површина биде опасна. Потребна е голема количина на вирусот на таа површина за лицето да се зарази, а вирусот би требало на неа долго да преживее. На крајот со валкани раце би требало да се фаќаат носот, устата и носот“, објаснува д-р Блумберг.
Науката тврди дека коронавирусот може да се задржи на тврди површини до три дена, а на картон 24 часа. Една студија спроведена во Кина покажала дека вирусот може да патува на чевли. Проф. Емануел Голдман за списанието The Lancet Infectious Diseases пред неколку месеци напиша дека во студијата се користела многу поголема количина на вирусот од онаа која би можела да се пронајде во реалниот свет.
“Според мое мислење, шансите лице да се зарази преку тврда површина, на која заразено друго лице кивнало, се многу мали и можно е само ако првото лице веднаш ја допре површината“, додава проф. Голдман.
Студиите сепак само покажале дека вирусот може да заврши на површини, но не дека од нив може да се пренесе на човек.
Но, пред 4 месеци, Центарот за превенција и контрола на болести на својата веб-страница објави дека тоа сепак е можно, бидејќи две лица се заразиле на овој начин. Неодамнешна студија во Кина покажала дека вирусот може да се пренесе ако допреме копче во лифт, а анализа спроведена во Африка покажала дека контаминираните медицински помагала можат да влијаат на ширењето на вирусот.
