Според досегашните анализи на случаевите, инфекцијата КОВИД-19 во околу 80% од случаевите предизвикува блага болест (без пневмонија или благо воспаление на белите дробови) и повеќето заболени се опоравуваат, но 14% имаат потешка болеста, а 6% имаат тешка форма на болеста.
Повеќето случаи со најтешка форма и смртност се случила меѓу повозрасните лица и оние со други хронични заболувања. Со оглед дека се работи за нова болест и достапните податоци се нецелосни, се уште не може со сигурност да се тврди кои групи луѓе имаат потежок исход од болеста КОВИД-19.
Повозрасните лица, како и пациентите со хронични болести треба да се придржуваат на истите општи мерки за заштита, како и општата популација, со напомена дека треба да продолжат да ја користат целата досега препорачана терпаија според совет на лекар.
Миењето и дезинфекцијата на рацете се склучни во спречувањето инфекции. Рацете треба често и темелно да се мијат со сапун и вода најмалку 20 секунди. Кога сапунот и водата не се достапни, може да се користи дезинфициенс кој содржи најмалку 60% алкохол.
Вирусот влегува во телото низ очи, нос и уста. Затоа, не допирајте ги со неизмиени раце. Не се препорачува користење на хируршки маски за заштита, бидејќи тие првенствено се користат за спречување на ширење на инфекцијата од болни лица на останатите.
ОПШТИ МЕРКИ НА ЗАШТИТА
- Редовно мијте ги рацете со сапун и вода или користете дезинфициенс со алкохол
- Кога кашлате или кивате, прекријте го носот и устата со хартиено шамивче кое веднаш се фрла, а потоа се мијат рацете.
- Избегнувајте близок контакт (одржувајте оддалеченост од најмалку еден метар, по можност и два) со лица кои имаат симптоми на инфекција на дишните патишта, односно коиимаат најмалку еден од следниве симптоми: зголемена телесна температура, кашлица, болки во грлото и краток здив.
