Коронавирусот, според податоците од Европскиот центар за контрола и превенција на болести, присутен е во девет европски земји. Најголемиот број потврдени случаи со заразата се во Германија, каде има 12 заболени.
Според податоците од Кина, каде покраината Хубеи е жариштето на епидемијата, коронавирусот не покажува забавување на ширењето, напротив. Стапката на смртност од коронавирусот во Кина генерално е 2,1%, додека во споменатата покраина е 3,1%. Повеќето починати се лица постари од 60 години и имале и некои други болести.
КОИ СЕ СИМПТОМИТЕ?
Симптомите вклучуваат треска, кашлица и тешкотии при дишењетп. Може да се јават 2 – 14 дена по изложеноста на вирусот.
КОЈ Е ИЗВОР НА ВИРУСОТ И КАКО СЕ ШИРИ?
Здравствените работници не се сигурни кое е потеклото на вирусот и како лесно се шири.
Вирусот може да се шири од лице до лице, а воедно во еден напис во списанието England Journal of Medicine, е опишано како жена од Кина заразила четворица соработници во една компанија, пред да покаже било какви симптоми.
Коронавирусот може да се најде кај различни животни, како мачки и лилјаци. Во еден извештај е наведено како и змиите се можни извори на вирусот. Вирусот може да се поврзе со секој пазар на живи животни во Вухан – кои во моментов се затворени.
ПОСТОИ ЛИ ВАКЦИНА?
Засега не, но се работи на една која би требало да биде тестирана во наредните месеци. Тестот се прави за да се види дали лекот е безбеден, и ако се покаже дека е, тестирањето ќе открие како делува.
КАКО СЕ ТЕСТИРА БОЛЕСТА?
Нема специфичен третман за вирусот, пациентите примаат помош за смирување на симптомите. Пациентите кои се хоспитализираат може да имаат и потреба за помош при дишењето.
