Професионалниот пливач, Емилијано Пескароло во март се заразил со коронавирус и поминал 17 дена во болница во Џенова, по што на 10. април е пуштен дома. Три месеци подоцна, 42-годишниот Пескароло се уште има проблеми со дишењето и со заморот.
“Дури и по неколку недели откако се вратив дома, не видов никаков напредок. Кога отидов на прошетка, имав чувство како да сум се качил на Монт Еверест. Снемував здив само додека зборував. Бев многу загрижен“, изјавил за Си-ен-ен, Емилијано Пескароло.
Италијанскиот пливач е само еден од многуте лица кои ја преболеле КОВИД-19, а кои се лекуваат од нејзините долготрајни последици на Клиниката за рехабилитација во Џенова.
Досегашните истражувања укажуваат дека КОВИД-19 зафаќа многу органи – бели дробови, бубрези, црн дроб, мозок, срце, нервен систем, кожа и дигестивниот тракт.
Директорот на Институтот за рехабилитација на пациенти кои се опоравиле од КОВИД-19, д-р Пјеро Клаварио, вели дека посетил околу 50 пациенти.
“Не разговаравме само со оние кои биле приклучени на респиратори, туку и со оние пациенти кои во болница биле згрижени само три дена. Ги истражуваме аспектите со кои стандардните виролошки и пулмолошки тестови не се занимаваат“, вели д-р Клаварио.
Од 55 лица со кои разговарал тимот на д-р Клаварио, на осум не им била потребна никаква дополнителна поддршка и немале понатамошни проследици, но 50 проценти имале писхолошки последици, а 15 проценти Синдром на пострауматско пореметување.
Едно од изненадувањата е дека слабост кај пациентите не се јавува само кај оние кои претрпеле најлоши потешкотии со дишењето, туку и кај други кои не покажуваат никакви кардиолошки или белодробни проблеми, а сеедно имаат проблеми со дишењето и поголем напор како качување по скали.
“Кај повеќето гледаме мускулна слабост. Позитивна работа е дека по одреден период во теретана, сепак пациентите се опоравуваат“, вели д-р Клаварио.
Лекарите потенцираат дека многу пациенти кои се опоравиле од КОВИД-19 имаат проблеми со концентрацијата, а долготрајните последици кај некои лица знаат да бидат толку непријатни што не можат нормално да работат и да живеат.
“Примавме само пациенти со респираторни проблеми, некои со белодробна фиброза, некои со оштетување на белите дробови, па дури и некои кај кои едно белодробно крило е целосно колабирано, но таквите пациенти се малку. Повеќето пациенти со долготрајни последици немаат симптоми поради кои би се задржале во болница. Се мачат со напор, хроничен недостаток за здив, палпитации, забрзана работа на срцето, проблеми со спиењето, главоболки и често губење на концентрацијата“, објаснува д-р Пол Виталер, раководител на Клиника за пациенти кои кои се опоравиле од КОВИД-19.
“Најчести пациенти се оние помлади од 60 години. Се чини дека младите и поздрави лица имаат поголема шанса да претрпат долготрајни последици“, вели д-р Витакер, но признава се потребни понатамошни испитувања.
