Како и останатите јаткасти плодови, и костеност содржи масти, но во многу помали количини. Не дебелее, а соддржи витамини кои одлично делуваат на организмот. Здрава количина на костени дневно со која се примаат сите негови позитивни својства е 85 грама.
Хранливи состојки
- Костенот содржи само еден грам масти и помалку од 70 калории на 30 грама. Содржи и витамин Ц, што го прави посебен меѓу јаткастите плодови. Дневна доза од 85 грама содржи дури 45% дневни потреби на организмот за витамин Ц.
- Плодот на костенот е богат со фолатим, што инаку е карактеристичен за зелениот лиснат зеленчук. Освен витамин Ц, има и витамини Б1, Б2 и Б6, како и фолна киселина, која е заслужна за формирање на црвените крвни зрнца и за стинтеза на ДНК. Добра храна е за трудници, бидејќи спречува појава на аномалии кај фетусот.
- Преку костените во организмот се внесуваат и важни материи како што се влакната, магнезиум, бакар, манган, калциум, железо, цинк и калиум. Влакната помагаат во намалување на нивото на холестерол. Од костенот може да се прави и брашно и пире, бидејќи како и лешниците и бадемите, е без глутен. Од друга страна, има поголем процент на скроб, поради што е сличен на компирот и пченката.
Костенот како лек
Чај – Костените се познати по тоа што помагаат при проблемите со бубрезите и варењето. Чајот од костени помага кај симптомите на астма и бронхитис.
Див костен за вени – Важно е да се знае да се разликува дивиот од домашниот костен, бидејќи дивите не се за јадење. Без оглед на тоа, од него прават разни креми и масти, бидејќи е многу лековит. Дивиот костен како лек се користи при проблеми со проширени вени и испукани капилари, кај хемороиди, болни менструации и зголемена простата.
Срце – Во костенот се наоѓа високо ниво моно-незаститени масти како што се олеинска и палмитинска. Тие го штитат кардиоваскуларниот систем и заедно со влакната во костенот, помагаат за намалување на нивото на холестерол.
Вода – Костенот има својство да ја исфрла водата од организмот, па со тоа помага и при бубрежни и желудочни тегоби. Помага и при циркулацијата и протокот на храна низ цревата, како и водата.
Делува противвоспалително – Поради своите противвоспалителни својства, костенот е идеален за лица кои страдаат од артритис и реума.
