Лицата заболени од КОВИД-19 може да имаат зголемен ризик од ретки крвни згрутчуваља во окото кои го загрозуваат видот месеци подоцна, покажува ново американско истражување.
Со оглед дека инфекциите со вирусот SARS-CoV-2 го зголемуваат ризикот од затнување на крвните садови на други места во телото, научниците проучувале речиси половина милион пациенти заболени од КОВИД-19 за да видат дали ќе развијат згрутчувања во вените или ретиналните артерии, нервно ткиво во задниот дел на окото кое прима слики и ги испраќа до мозокот.
Во текот на шестмесечното следење кај 65 пациенти развиле оклузија на вената во мрежницата.
Иако оваа бројка е мала, таа одразува статистички значајно зголемување од 54% во споредба со стапките пред ковидот, според извештајот објавен во медицинското списание JAMA Ophthalmology.
Згрутчувањата во ретиланите артерии биле 35% почести по КОВИД-19 отколку пред пандемијата, но таа разлика може да е последица и на случајности, заклучуваат научниците.
Згрутчувањата најчесто се јавувале кај пациенти со други состојби кои го зголемувале ризикот од проблеми со крвните садови, како дијабетес, висок крвен притисок и висок холестерол.
Се чини дека ризикот од тромбови не е поврзан со сериозноста на инфекцијата со коронавирус.
