Британско истражување покажало дека инфекцијата со новиот коронавирус SARS-CoV-2 може да предизвика долготрајно губење на мозочното ткиво, што може да има долгорочни последици како губење на осетот за мирис и вкус.
Се смета дека со тек на времето, повеќето функции може да се повратат, па симптомите може да исчезнат, но никогаш нема да се поврати мозочното ткиво кое всушност е уништено, како последица на инфекцијата со коронавирусот.
Треба да се истакне дека со споредба на снимките на мозокот пред и по прележаниот КОВИД-19, пронајдени се значајни ефекти на болеста на мозокот, со губење на сивата маса во делови на мозокот кои се поврзани со осетот за мирис и вкус.
Инаку, губењето на чувството за мирис и вкус е една од карактеристики на КОВИД-19. Истражувањата покажуваат дека оваа загуба може да биде присутна и до 5 месеци откако вирусот прв ќе ги нападне мозочните клетки.
