Милиони луѓе примија вакцина против КОВИД-19, искусиле несакани ефекти и тоа е добар показател дека имуниот систем се подготвува да одговори во случај на инфекција, но ако таквите знаци изостанат, нема причина за загриженост, велат стручњаците.
Не треба да се загрижувате, бидејќи немањето реакција не значи дека лицето е незаштитено, велат тројцата стручњаци: Пол Офит од Центарот за вакцини во болницата во Филаделфија, Глен Рал, имунолог и Сара Колс, семеен лекар и професор на Колеџот за медицина Аризона.
“Вакцината делува и во случај да немате нуспојави“, вели Колс и нагласува дека “многумина имаат несакани ефекти, а голем дел немаат“.
Отсуството на главоболка или покачена телесна температура не е причина за загриженост, вели Пол Офит и објаснува: „Сигурно е дека не мора да имате несакани ефекти за да знаете дека сте заштитени“.
Со други зборови и двете појави – стекнувањето имунитет и нуспојавите – се резултат на низа предупредувања во имуниот систем по инјекцијата.
Но, само затоа што првичното воспаление успешно поттикнало производството на антитела и друг вид на одбрана од болеста, не значи нужно дека таа мора да предизвика зголемена телесна температура.
Нема строга корелација помеѓу тие две работи, вели Колс.
И многу други модерни вакцини предизвикуваат малку, ако воопшто се јават, нуспојави, па сепак добро делуват, вели Рал. “Нормално, ни не гледаме драгоцени несакани ефекти по вакцинацијата“, вели тој.
Дали луѓето ќе имаат несакани ефекти зависи и од други фактори, а не само од нивниот имун систем, а тоа се замор, стрес и начинот на кој доживуваат болка, објаснува Колс.
Процентот на различни реакции се разликува од вакцина до вакцина против КОВИД-19, а кај вакцините кои се даваат во две дози, почесто се појавуваат по втората доза.
На пример, кај примената на вакцината на Фајзер, во клиничките испитувања 3,7 проценти од испитаниците на возраст од 18 до 55 години, имале покачена телесна температура по првата примена доза, а 15,8 проценти по втората доза на вакцина.
Половина од примателите имале главоболка по втората примена доза, но главно биле умерени или благи.
Сите тие ефекти се минливи, општо траат еден или два дена.
Во ретки случаи, потешка алергиска реакција, наречена анафилакса, настапува во минути по инјектирањето и лекарите може да бидат подготвени за интервенираат.
Тројцата експерти зборуваат за системски нуспојави, а не за “локални“ ефекти како што се болка во рамото во кое е вбризгана вакцината или црвенило на местото на убодот, оти тие појави се чести при примањето на било која вакцина, но се занемарливи во однос на алтернативата – да се разболиш од КОВИД-19.
