Додека вакцините се сметаат за безбедни за користење, постојат неколку несакани ефекти или нуспојави кои ги привауваат лицата кои се вакцинирале. Една од нив е „КОВИД рака“, која, се чини, дека привлекува мнпгу внимание, веројатно поради драматичниот назив. За што станува збор и треба ли да бидете загрижени?
ШТО Е КОВИД РАКА?
Професорката Алисија Литл, од Универзитетот Јеил, појаснува што мора да знаете. КОВИД рака, според нејзините зборови, треба да се нарече “КОВИД рака по вакцинирање“, а се работи за реакција на компоненти во вакцината:
“Во прашање е црвена, понекогаш се јавува и јадеж или чешање, локална реакција на вакцината, а се најчесто се јавува околу 7 дена по вакцинирањето, иако може да се јави и две недели подоцна“.
Најчесто трае до 5 дена, некогаш и пократко, некогаш подолго.
ЗОШТО ДОАЃА ДО РЕАКЦИЈА?
Д-р Литл објаснува дека станува збор за имунолошка реакција на состојка во вакцината. Сепак, стручњаците не се целосно сигурни за која компонента станува збор.
“Веројатно реакцијата е предизвикана од Т-клетките во имуниот систем, на кои понекогаш им е потребно и неколку дена да се активираат, а на истата компонента може при друго вакцинирање, порано да се активираат“, дополнува таа.
Со оглед дека вакцината треба да го активира имуниот систем, можно е оваа реакција да е поврзана со имунолошкиот одговор кога во организмот се генерира протеин, или може да биде одговор кој не е директно поврзан со развивањето на имунитет на болеста, вели професорката.
ШТО ДА НАПРАВИТЕ АКО ОВА ВИ СЕ СЛУЧИ?
Според неа, не се работи за нешто кое треба да ве загрижува.
“Лицата кои ќе се соочат со ова, треба, односно, мораат да примат и втора доза од вакцината“, истакнува д-р Литл. Сепак, може да помогне тоа да втората доза ја примите во другата рака, а ако местото зафатено со осип е чувствително, може да помогнат и некои креми, но секако претходно да се консултирате со лекар.
КОГА ДОАЃА ДО ОВАА РЕАКЦИЈА?
Д-р Литл наведува дека половина од нејзините пациенти кои имале ваква реакција по првата примена доза вакцина, имале иста реакција и по примање на втората, но вториот пат реакцијата се појавила многу побрзо и покусо траела. Таа нагласува дека оваа реакција не е симптом на алергија и не е причина да се прескокне втората доза вакцина.
ШТО ДА НАПРАВИТЕ?
Центарот за превенција и контрола на болест предупредува на овие нуспојави од вакцината:
- БОЛКА
- ЦРВЕНИЛО
- ПОЈАВА НА ОТОК
- ЗАМОР
- ГЛАВОБОЛКИ
- БОЛКИ ВО МУСКУЛИТЕ
- ТЕМПЕРАТУРА
- МАЧНИНА
Доколку не се чувствувате добро, контактирајте го вашиот семеен лекар.
