Во Европа се одгледува околу три проценти од вкупната популација на кози во светот, но поради современиот пристап, извонредните услови за исхрана, напредната технологија и многуте млечни раси, тој мал процент на кози дава дури 17 % од вкупното светско производство на козјо млеко.
Козјото сирење има висока нутритивна вредност, лесно се вари, има помалку калории и маснотии во однос на другите сирења, а богат е со протеини, калциум, содржи рибофлавин и витамин Б2. Изобилува и со влакна кои го забрзуваат метаболизмот и помагаат во топење на масните наслаги. Посебно се препорачува во бременоста, за спортистите и лицата кои се изложени на физички напор. Протеините од козјото сирење многу добро се апсорбираат и директно им обезбедуваат енергија и аминокиселини на мускулите, па тие брзо се опоравуваат после тренинг ии други напорни активности.
Се препорачува како замена за месо и во исхраната на децата бидејќи изобилува со минерали, особено калциум, магнезиум и фосфор. Козјото сирење содржи и триптофан, киселина позната како природен седатив. Оваа сусптанца го стимулира лачењето на серотонинот, познатиот хормон на среќа, па наместо други стимулации, каснете малку козјо сирење. Ќе си го подобрите расположението, ќе ја надминете потребата за храна, а нема да го оптоварите организмот со непотребни маснотии. Козјото сирење го намалува шеќерот и лошиот холестерол во крвта, а содржи за една третина помалку калории и несакани масти од стандардното кравјо сирење.
