Утре, 11 јули, се одбележува Меѓународниот ден на есенцијалните масла. Што всушност претставуваат овие масла, од кога датира нивната употреба и која е нивната намена?
ФИЛА КОЗМЕТИК: Многу култури во светот ги користеле есенцијалните масла векови наназад како козметика како и за духовно и емоционално поттикнување. Не е познато од кога растенијата за прв пат се користеле во медицински цели, но од цртежите во Ласко (Lascaux) пештерите во Франција се смета дека нивната секојдневна употреба датира од 18 000 години п.н.е.
Во Египет има докази за употреба на ароматични масла уште од 4 500 години п.н.е. во периодот кога Египет бил на врв на својата моќ. Само свештениците имале авторитет да ги користат ароматичните масла, некои од нив биле посветени на божества, а фараоните имале свои мешавини на масла за медитација, љубов, војни итн. Во библиското и римско време постојат 188 референци на употреба на маслата во Библијата, некои од нив, како што се темјанот, рузмаринот и др., биле опишани за смирување и исцелување на болните.
Во најново време, поточно од 19-тиот век започнува и научното изучување на есенцијалните масла кога и се објавени низа трудови за антисептичните дејства на есенцијалните масла. Неколку декади подоцна маслото од лаванда откриено е како природен лек.
Со текот на годините, есенцијалните масла станаа широко признати поради нивната разновидност и улога што ја имаат во подобрувањето на севкупниот квалитет на живот. Овие масла минуваат низ специфичен процес на подготовка, во кој не е дозволена примена на растенија третирани со пестициди. Како всушност се добиваат есенцијалните масла?
ФИЛА КОЗМЕТИК: Есенцијалните масла се добиваат на два главни начина:
- Дестилација со водена пареа – најчесто користена техника каде растителниот материјал како цветови, лисја, дрвенести делови, кора, корења, семиња се поставуваат во апарат за дестилација над вода. Со загревање на водата пареата поминува низ растителниот материјал и ги носи со себе лесно испарливите супстанции составни делови на есенцијалните масла. Понатаму пареата се спроведува низ систем на цевки до колекторни садови каде пареата кондензира и се раздвојува есенцијалното масло од водата.
- Цедење – постапка со која се добиваат есенцијални масла од агрумите кои ги содржат во висок процент.
- Директно загревање на билниот материјал (ретко се користи оваа постапка).
Постојат и други постапки за добивање на мирисни екстракти од растенијата кои не се нарекуваат есенцијални масла туку се именуваат според методата на издвојување на пример CO2 екстракти.
Етеричните масла се сложени смеси од органски испарливи материи. Молекулите на етеричните масла се воглавно со ниска молекулска маса изградени од 10-15 јаглеродни атоми. Високата липофилност (растворливост во масни растворувачи) и ниската молекулска маса им дава биолошки карактеристики лесно да се апсорбираат низ кожата и воопшто низ клеточните мембрани што вклучува и желудник и ректум. Нивната лесна испарливост овозможува лесна инхалација која со векови се применува.
Покрај дефинирањето на типот на есенцијалните масла и нивниот карактер лесно да испаруваат, лесно апсорбираат, а се висококонцентрирани смеси, на производите со есенцијални масла потребни се упатства за користење и ознаки за предупредување од иритации, која возрасна група може да ги користи и сл. согласно меѓународната законска регулатива за означување на есенцијални масла
Затоа сите есенцијални или етерични масла мора да бидат ботанички и хемиски дефинирани. Ботаничка дефиниција подразбира точно означен видот, подвидот, вариетет и форма на растението, бидејќи ботаничките карактеристики имаат огромно значење за составот на маслата. Додека хемиски дефинирано масло има точно дефиниран удел на поедините молекули во есенцијалното масло вообичаено изразени во % испитани и докажани со инструментални методи. Хемиската анализа го дефинира и хемотипот на маслото бидејќи еден ист ботанички материјал може да даде различен состав поради местото на раст.
Покрај дефинирањето на типот на есенцијалните масла и нивниот карактер лесно да испаруваат, лесно апсорбираат, а се висококонцентрирани смеси, на производите со есенцијални масла потребни се упатства за користење и ознаки за предупредување од иритации, која возрасна група може да ги користи и сл. согласно меѓународната законска регулатива за означување на есенцијални масла.
Производите на ФИЛА КОЗМЕТИК, познати под брендот INSTITUTE, висококвалитетна медицинска козметика, ги содржат најквалитетните есенцијални масла, кои помагаат во третманот на одредени дерматолошки проблеми. Во што е предноста на Вашите производи?
ФИЛА КОЗМЕТИК: Следејќи ја својата мисија ФИЛА КОЗМЕТИК посветено работи на формулации каде користи состојки со клинички докажано дејство меѓу кои се и есенцијалните масла. Така се развија неколку производи под брендот на INSTITUTE со етерични масла од рузмарин, коријандер, босилек и каранфилче за третман на одредени дерматолошки патологии.
Етеричното масло од РУЗМАРИН го инкорпориравме во гел формулација наменета за употреба на кожата во дел на скалпот и други делови на телото кај лица со себороичен дерматит, каде поволно делува преку своето докажано антифунгално дејство на основниот причинител на ова кожно заболување.
Етеричното масло од КОРИЈАНДЕР исто се примени во гел формулација каде со своето потенцијално противвоспалително дејство може да се употребува кај пациенти со псоријатични промени на кожата.
Етеричното масло од БОСИЛЕК (кралско масло – The sweet smelling, aromatic herb known as Basil derives its name from the Greek word «βασιλικό» meaning royal or kingly plant) со своето нежно противоспалително и антибактериско дејство го инкорпориравме во фина маст против чешање од комарци со одлични ефекти.
Етеричното масло од КАРАНФИЛЧЕ инкорпорирано во маст која може да се употребува кај анални фисури.
Маслото од каранфилче традиционално се користи за смирување на забоболка со векови благодарејќи на неговите докажани својства на анестетско дејство, антибактериско дејство, вазорелаксирачко и релаксирачки делува на мазната мускулатура.
Како резултат на докажана студија на успешен третман на анална фисура со маст со етерично масло од каранфилче INSTITUTE ја формулираше својата прва маст за таа намена.
Тимот на ФИЛА КОЗМЕТИК Ви стои на располагање за совет и препорака за употреба на своите производи како и за персонализирана подготовка на природен производ за нега на кожата. Повеќе информации може да најдете на веб-страницата и ФБ профилот на INSTITUTE: www.institute.mk и www.facebook.com/Institute.mk.
