Опаѓа бројот на случаи на КОВИД-19 и расте заморот од пандемијата, па бројни земји ги укинуваат ограничувањата воведени со цел да се спречи ширењето на коронавирусот.
Но, прерано е за прогласување на победа, велат стручњаците кои предупредуваат дека нееднаквиот пристап до вакцина би можел да доведе до појава на нови и посмртоносни варијанти на вирусот.
ПОЗИТИВНИ ЗНАЦИ
Светската здравствена организација – СЗО на 14 септември објави “прв поголем пад на неделните случаи во повеќе од два месеца“, откако во првата недела на септември имаше вкупно четири милиони нови инфицирани.
Бројката повторно падна на 3,6 милиони, а бројот на починати на “нешто помалку од 60.000“, објави СЗО оваа недела.
Се чини дека во Европа каде се вакцинирани голем процент на возрасни, по порастот на инфекции предизвикани од делта варијантата, сега пандемијата сепак стивнува.
“Верувам дека поголем од светот (вклучувајќи ги и САД и Европа) влегува во завршна фаза на пандемијата“, изјави минатата недела Франсоа Бало од лондоснкиот универзитет.
“Ќе има пораст на зарази во наредните месеци/години, но не предвидувам бранови на КОВИД-19 споредливи со оние во изминативе 18 месеци“, додава тој.
Епидемиологот Мирчеа Софонеа, специјалист за еволуцијата на заразни болести на Универзитетот Монпелје, вели дека КОВИД-19 сега поинаку се шири, особено во Европа.
“Забележуваме премин од бранови на повеќе распространети жаришта кои не се така опсежни“, вели тој.
Ова подобрување ги охрабри неколку европски земји да укинат некои или пак сите ограничувања поврзани со пандемијата, како што тоа го направи Данска на 10 септември.
“Во идните две или три недели ќе знаеме дали резултатите од данскиот експеримент се позитивни или не“, изјави епидемиологот Антоние Флахаулт.
Тој вели дека она што ќе се случи во Данска ќе одреди “дали можеме да ги охрабриме и останатите европски земји да ја укинат раширената употреба на пропусници, па дури и носење маски без ризик од ново зајакнување на пандемијата“.
“Мерките секогаш можат повторно да се воспостават, ако инфекциите повторно пораснат“, додава тој.
ПРИЧИНИ ЗА ВНИМАНИЕ
Дали пандемијата е во својата завршна фаза?
“Мислам дека е се уште рано да се каже се, иако тоа би можело да биде поточно за делови во светот со висока стапка на вакцинираност“, вели вирологот Џулиен Танг.
Засега, вели тоа, “мора изјавите да бидат специфични за секоја земја или регион“.
“Присутни се јасни нееднаквости во поглед на вакцинацијата во светот“, вели Танг.
Помалку од два проценти од најсиромашното население во светот ја примиле само првата доза од вакцината, изјави Флахо, директор на Институтот за глобално здравје при Универзитетот во Женева.
“Во одредени делови, источна и централна Европа, Африка, Азија, Израел, Канада, Ел Салвадор, Белизе, случаите растат експоненцијално, така што не можеме да кажеме дека пандемијата е зад нас“, вели тој.
Дури и во богатите, добро вакцинирани земји кои покажуваат надолен тренд, ситуацијата може да се промени, предупредуваат експертите.
Како што северната хемисфера се приближува кон зимата, луѓето повторно ќе гравитираат кон поголеми собири во затворени простории каде што се поттикнува циркулацијата на вирусот.
“Треба да внимаваме на ситуацијата во Европа и Северна Америка додека влегуваме во средината на есента“, додава Софонеа.
“Она што го знаеме за оваа пандемија е дека е непредвидливо“, додаваа Флахо.
„Никој не прогнозираше појава на делта варијанта во Индија минатата пролет, иако се плашевме дека такво нешто може да се случи“.
ПРИЧИНИ ЗА ЗАГРИЖЕНОСТ
Високо заразната делта варијанта сега е доминантна низ целиот свет.
Иако вакцините се помалку ефикасни во нејзиното ширење, сепак се ефикасни во спречувањето на хоспитализации и смрт.
Но, тоа може да се промени.
“Ако мутацијата на делта стане поотпорна на постоечките вакцини, може да го поништи напредокот на кој сега сведочиме“, вели Флахо.
Со оглед на тоа што голем дел од населението на сиромашните земји не е вакцинирано, поверојатно е дека поголемиот пораст на инфекции ќе предизвикаат појава на нови варијанти, додава тој.
“Се додека вирусот значајно циркулира некаде во светот, нема да бидеме безбедни од нови бранови“, потенцира Флахо.
“За глобална безбедност, треба да вакцинираме што е можно повеќе луѓе на Земјата“.
