Крцкав, мирислив, тазе печен… Има ли смисла потполното исфрлање на лебот од исхраната или едноставно се измачувате непотребно?
Одговорот е: и да и не.
Една кришка леб во просек има околу 75 калории.
Ако денот ви почнува со тост, за ручек јадете сендвич, а на трпезата го имате и за вечера… – има смисла да се откажете од лебот, бидејќи во овој случај е извор на голем број екстра калории кои не ви се потребни, а ги внесувате секој ден.
Сепак, исфрлањето на јаглехидратите од вашата исхрана не е никакво магично решение, кое на волшебен начин ќе го отстрани вишокот на килограми, па дури и ако го направите тоа, процесот ќе потрае
Симнувањето на вишокот килограми подразбира промена на структурата на нашето тело, зголемување на мускулната маса, која потоа помага во ефикасно топење на масните наслаги… Значи, дури да не каснете ни залче леб, ќе треба барем еден месец за да забележите каков било напредок.
И тоа под услов покрај лебот од исхраната да исфрлите и други намирници и притоа редовно да вежбате.
„Кога ќе престанете да јадете јаглехидрати, ќе бидете воодушевени зашто вагата набрзо ќе покаже како килограмите заминуваат, но работата е во тоа дека не губите масни наслаги, туку вода“, пишува британски „Метро“.
Јаглехидратите телото ги складира во форма на гликоген, а секој грам јаглехидрати „оди во пакет“ со три или четири грама вода.
Генерално, не е лошо да ја намалите количината на леб ако сакате да ослабите, но тоа е повеќе во контекст на општите препораки за намалување на калорискиот внес.
Нема да ослабнете поради тоа што сте престанале да јадете леб, туку затоа што внесувате помалку калории.
