Ракот на дојка и кожа, болестите на срцето и остеопорозата погодуваат голем дел од женската популација, а со здрави животни навики и редовни едноставни самопрегледи може навреме да се откријат и лекуваат. Стекнете добри навики кои може да ви го спасат животот.
КОЖА
ЕДНАШ МЕСЕЧНО
Ракот на кожа е најчест малигнен тумор кај луѓето од кој во Европа годишно заболуваат 3,5 милиони лица, а воедно е тумор кој најлесно се воочува. Ако навреме се открие, ракот на кожа може да се излекува. Самопрегледот на кожа е од корист за сите, а особено за лицата со светол тен, портокалова коса и оние со многу бенки.
За самопрегледот на кожа потребно е едно самостоечко и едно рачно огледало. Потребно е да се прегледа секој сантиметар од кожата, вклучувајќи ги и подрачјата кои не се изложени на сонце, како кожата на темето, дланките, кожата под ноктите, подрачјето под градите, гениталното подрачје и кожата на стапалата.
ГРАДИ
ЕДНАШ МЕСЕЧНО
Самопрегледот на дојки помага подобро да се запознаат и така полесно да се воочат било какви промени на нив. Секако не треба да се пропушти прегледот кај лекар еднаш во годината, како ниту специјалистичките прегледи како ултразвук или мамографија. Промените кои не треба да се занемрат се вдлабнувања, набирање на кожата, црвенило, отоци, чешање и болка.
ОБЕМ НА ПОЛОВИНАТА
СЕКОИ 3-4 МЕСЕЦИ
Обемот на половината може да биде многу подобар показател на здравствената состојба, од вредностите кои ги покажува вагата или индексот на телесна маса. Маснотиите кои се таложат во ова подрачје го зголемуваат ризикот од болести на срцето, мозочен удар и дијабетес.
Општо, жените кои имаат обем на половината помал од 90цм се во подобра форма и подобро здравје. Ако обемот на половината ви е поголем од 90цм, сериозно размислете за промена на прехранбените навики и физичка активност.
ПУЛС
ЕДНАШ МЕСЕЧНО
Високиот пулс може да биде знак за хипертиреоза, пореметување на ритамот на срцевите преткомори или други проблеи со срцето. Се што треба да направите е показалецот и средниот прст да ги ставите над зглобот на дланката или на вратот и да ги броите отчукувањата 15 секунди. Бројот се множи со 4 и се добива бројот на отчукувањата на срцето во една минута. Нормалните вредности се движат помеѓу 60 и 100 отчукувања,
ВИСИНА
ЕДНАШ ГОДИШНО
Проверете колку сте високи еднаш годишно – тоа е едноставен начин да дознаете нешто за здравјето на сите коски. Ако губите на висина, тоа е знак дека коските се трошат.
КРВЕН ПРИТИСОК
Еднаш неделно или еднаш на 14 дена ако сте во ризична група
Редовното мерење на крвниот притисок нуди увид во моменталното и идно здравје. Ако сте здрави, но повремено имате висок притисок без дијагноза на хипертензија или ризик фактор за равој на истата, не мора да го мерите притисокот секоја недела. За оние во ризична група се препорачува мерење на секои 2 недели, со проверен и исправен апарат за домашна употреба.
