Крвната група може да открие многу работи за вас, па дури и тоа, според понови истражувања, дали постојат шанси некој да стане алкохоличар или да развие опсесивно-компулсивно нарушување.
Добра или лоша дигестија
Бактериите во цревата и тоа како влијаат врз квалитетот на животот, бидејќи лошата дигестија го нарушува здравјето. Истражувачите откриле дека е можно да се поделат на три различни категории, зависно од крвната група. Група фински експерти смета дека постои одредена поврзаност помеѓу крвните групи и специфичните слоеви на бактерии кои живеат во цревата. Кога би имале цврсти докази за тоа, тогаш докторите би можеле да препорачуваат одреден вид исхрана во зависност од тоа која крвна група ја има пациентот.
Алкохолизам
Некои поранешни студии пронашле слаба поврзаност помеѓу крвната група А и склоноста кон алкохолизам. Други истражувања, пак, ги довеле во врска антигените со проблемот за зависност од алкохол. Според нив антигените А може да ја променат реакцијата на имунолошкиот систем на интоксикација. Со тоа, 50 проценти од ризикот за појава на алкохолизам го носат генетските фактори.
Магнет за комарци
Луѓето со крвна група 0 им се омилени на комарците, тврдат јапонски истражувачи. Сепак, луѓето со оваа крвна група имаат најмали шанси да заболат од најсмртоносниот облик на маларија, болест која ја пренесуваат токму комарците.
Стрес
Стресот најмногу ги погодува луѓето кои имаат 0 крвна група, тврди Американската служба за воени ветерани. Оттаму појаснуваат дека нивото на кортизол – хормон на стрес, е повисок кај нив за разлика од останатите.
Опсесивно-компулсивно нарушување
Во магазинот Neuropsychobiology е објавена студија која укажува на тоа дека луѓето со крвна група А се најсклони на ОКН, но додале и дека таа теорија треба сѐ уште да се истражува. А пронајдена е поврзаност и помеѓу оваа крвна група и истрајноста и трудољубивоста во работата и покрај уморот и фрустрацијата.
