Според студија објавена во магазинот Neurology, носителите на крвната група АБ имаат зголемен ризик од когнитивни оштетувања. Ова особено се однесува на повозрасните лица, кои како што стареат така потешко паметат и учат.
„Знаеме дека крвната група АБ одредува ефекти важни за згрутчување и протеини во крвта“, објаснува коавторот на студијата Мери Кашман, професор по медицина и патологија на Универзитетот во Вермонт. Кашман објаснува дека оваа состојба може да се објасни бидејќи луѓето со АБ крвна група се склони кон проблеми со памтењето, но се уште не е точно познато зошто тоа се случува. Друг проблем поврзан со оваа крвна група е ракот на желудник. Лицата со АБ-крвна група имаат дури 26 отсто поголема шанса да заболат од оваа болест за разлика оние со 0 или Б – крвна група.
American Journal of Epidemiology, пак, пишува дека лицата со оваа крвна група во споредба со останатите многу потешко се справуваат со бактеријата хеликобактер пилори. И ако оваа бактерија кај луѓето со АБ – крвна група може да доведе до рак на желудникот, лицата со 0 – крвна група имаат зголемен ризик да добијат чир на желудникот. 0 – крвната група некако го модифицира имуниот систем кога ќе го нападне оваа бактерија, а научниците се уште немаат откриено како и на кој начин.
Лицата со крвна група АБ и Б, пак, се изложени на најголем ризик за болести на срцето, покажала оваа студија. Авторите велат дека одредени крвни групи се поврзани со повисоки стапки за воспаленија, со што делумно се објаснува и оваа поврзаност со болестите на срцето. Се покажала уште една предност во корист на носителите на 0 – крвната група. Имено, овие луѓе за разлика од останатите групи, имаат за 37 проценти помал ризик да добијат рак на панкреас.
Сепак, научниците нагласуваат дека не е целосно јасно колкава е улогата на крвните групи кога станува збор за одделни болести, но велат дефинитивно постои поврзаност.
