Зголемениот артериски притисок или артериската хипертензија е хронична незаразна болест која зафаќа голем процент на возрасната популација, и тоа е нешто со кое треба да се научи да се живее и да се спроведува самоконтрола на болеста.
“Изненадниот пораст на артерискиот притисок е чест проблем со кој пациентите се соочуваат, и тој најчесто е последица на рефлекси кои настануваат во автономниот нервен систем, а поттикнати се од психичка напнатост, стрес, изненаден физички напор“, појанува кардиологот д-р Дражен Шебетиќ и додава дека најчесто болеста се открива случајно, а кај мал број пациенти се јавува главоболка и ретко чувство на притисок во градниот кош…
Освен што моментално сите сме под стрес поради пандемијата која владее, сегашните промени први ќе ги почувствуваат пациентите кои боледуваат од хронични болести, појаснува д-р Шебетиќ, а посебно пациентите со зголемен притисок, шеќерна болест, зголемени маснотии во крвта, како и со исхемиски болести на срцето.
Пред се, докторот советува да поради превенција на кардиоваскуларни болести, неделно минимално 150 минути се посветите на аеробно вежбање со умерен интензитет, веднаш да престанете да пушите и да ја редуцирате телесната тежина. Намалете го, апелира д-р Шебетиќ, внесот на заситени масти, зашеќерени пијалаци и сол, а зголемете го внесот на намирници кои содржат влакна, овошје и зеленчук, како и риба.
КАКО ДА СИ ПОМОГНЕТЕ АКО НЕ МОЖЕТЕ ДА ОТИДЕТЕ НА ЛЕКАР?
Со оглед дека на зголемува на притисокот влијае нашата емоционална и психичка состојба, не треба веднаш да се зема таблета, туку да се обидете да се смирите, па потоа да го измерите притисокот.
Со цел на зачувување и контрола на крвниот притисок, секое лице може да го направи следново:
- Да престане да пуши
- Да ја одржува саканата, односно да ја намали прекумерната телесна тежина
- Редовно да се занимава со телесна активност, најмалку 30 минути дневно
- Да ги замени лошите прехранбени навики со здраво
- Да го намали внесот на сол и да избегнува досолување на храната, пред да ја проба
- Да го намали внесот на алкохол
- Да избегнува стресни ситуации
- Да го контролира притисокот
