Препознавањето на кој било ран знак на нова инфекција со коронавирус, може да ве предупреди да бидете повнимателни на вашето здравје, да се обратите кај лекар и да ги преземете сите потребни мерки за да спречите ширење на оваа инфекција на другите. Меѓутоа, со новите варијанти на вирусот, вообичаени, доминантни како и почетните симптоми исто така се менуваат.
Според научно истражување неодамна објавено во списанието Future Virology, ксеростомијата или сува уста е ран знак на коронавирус.
ШТО Е КСЕРОСТОМИЈА?
Ксеростомијата е состојба во која плунковните жлезди во устата не произведуваат доволно плунка за да ја одржуваат вашата уста влажна. Ако имате сува уста, може да почувствувате дека плунката ви е густа. Може да почувствувате и лош здив заедно со потешкотии при џвакање, зборување и голтање. Може да доведе и до воспаление на грлото, засипнатост и избразден или сув јазик.
Истражувачите откриле дека овој знак е видлив кај 60 проценти од случаите на зараза со КОВИД. Тие, исто така, откриле дека сувата уста е знак за ковид, кој може да се појави дури три или четири дена пред да се појават другите симптоми.
- Лекувањето помага во ублажување на овој симптом
Истражувачите ги набљудувале пациентите со КОВИД кои биле примени на Одделот за заразни болести во болницата Шахид Бехешти во Иран. Пациентите биле следени секојдневно додека не се решил симптомот на сува уста. Тие откриле дека, за среќа, кај повеќето пациенти кои искусиле сувост, овој симптом се ублажил по започнувањето на лекувањето.
- Како ова сознание може да ви помогне?
“Ксеростомијата кај КОВИД може да се појави пред вообичаените симптоми. Може да се користи за рана дијагноза, карантин и лекување. Како резултат на тоа, преносот на болеста може да се спречи и да се постигнат најдобри резултати од лекувањето “, велат истражувачите.
ОСТАНАТИ СИМПТОМИ НА КОВИД
Заедно со сува уста, ако имате КОВИД, може да имате и еден или повеќе од следниве вообичаени симптоми:
- Висока температура
- Континуирана кашлица
- Губење или промена на мирис или вкус
- Краток здив
- Исцрпеност
- Болно тело
- Главоболка
- Болка во грлото
- Затнат нос
- Губење на апетит
- Дијареа
МОМЕНТАЛНИ ДОМИНАНТНИ СИМПТОМИ НА КОВИД
За лицата кои двапати се вакцинирани, а се заразиле со коронавирус, некои од доминантните симптоми што може да ги искусат вклучуваат:
- Воспалено грло
- Течење на нос
- Затнат нос
- Упорна кашлица
- Главоболка
- Кивање
