Претходно во пандемијата се претпоставуваше дека инфекцијата обезбедува одреден степен на трајна заштита, можеби неколку месеци. Но, како мутира коронавирусот, тоа веќе не се подразбира. А секоја нова зараза носи ризик не само од акутна болест, туку и од развивање на симптоми на долг ковид.
“Тој кумулативен ризик не е тривијален, ниту е безначаен. Навистина е значаен“, вели д-р Зијад Ал-Али, клинички епидемиолог на Универзитетот Вашингтон во Сент Луис. Луис, Мисури.
Според истражување направено на американски ветерани, чиј главен автор е тој, заразувањето со коронавирус два или повеќе пати “придонесува за дополнителни ризици од смртност од сите причини, хоспитализација и штетни здравствени исходи“ во различни органи и може дополнително да го влоши ризикот од дијабетес, замор и ментални нарушувања.
“Реинфекцијата апсолутно го зголемува ризикот“, вели д-р Ал-Али.
Истражувањето сугерира дека, во споредба со оние кои биле заразени само еднаш, луѓето кои се заразуваат со коронавирус по втор пат, имаат два и пол пати поголема веројатност да развијат срцеви или белодробни заболувања и крвни згрутчувања. Дополнителните инфекции исто така се поврзани со поголем ризик од потенцијално сериозни здравствени проблеми и смрт од КОВИД-19.
“Можно е луѓето да бидат сосема добро по повторната инфекција со коронавирус, што се случува во повеќето случаи. Но, вие би можеле да бидете еден од оние несреќните и да развиете некои навистина сериозни здравствени проблеми поради инфекција, потеницра д-р Ал-Али.
ВА.5. НЕ ПРАШУВА ДАЛИ ВЕЌЕ СТЕ БИЛЕ ЗАРАЗЕНИ
Регионалната директорка за јавно здравје на Лос Анџелес, Барбара Ферер, неодамна го цитираше ова истражување како причина да се продолжи со носење маски на затворени јавни места.
“Тие исто така утврдија и дека луѓето со повторени инфекции имаат поголем ризик од гастроинтестинални, бубрежни, ментални, мускулно-скелетни и невролошки нарушувања и дијабетес“, изјави таа.
“Покрај тоа, ризикот од развој на долгорочни здравствени проблеми дополнително се зголемува со секоја повторна зараза. Ризикот од долгорочни здравствени проблеми е три пати поголем кај заразените отколку кај оние кои не биле заразени“, вели д-р Ферер.
Одредени вируси, како оние кои предизвикуваат сипаници, се прилично стабилни, што значи дека вакцините се високо ефективни, а прележувањето овозможува доживотен имунитет. Но, тоа не е така со коронавирусот, кој многу мутира од почетокот на пандемијата, забележуваат експерите.
Лице заразено со алфа вариканта, која беше доминантна во многу делови во светот кон крајот на 2020., можеше да се зарази со делта сојот идното лето. А, оние кои прележале делта можеа за неколку месеци да се заразат со омикрон. Но, веројатноста од повторна зараза расте и поради појавата на се позаразни подваријанти на омикрон. Последната таква е ВА.5 е исклучително заразна и може да се инфицираат дури и оние кои прележале претходна зараза со омикрон пред само неколку недели.
