Квасецот е жив микроорганизам – поточно микроскопски стина едноклеточна габа која е клучна во ферментацијата на шеќерот. Меѓу бројните видови габи за квасење, најпозната е Saccharomyces cerevisiae од која се добиваат пекарскиот и пивскиот квасец. Индустрискиот квасец се произведува како свеж или сув (кој има подолг рок на траење).
ЛЕКОВИТ ТРЕТМАН
Квасецот е богат со витамини од Б групата, протеини (белковини), есенцијални аминокиселини и разни минерали, пред се хром и селен. Истражувањата покажале дека квасецот, ако се зема во мали количини (во големи количини не се препорачува, бидејќи е тешко сварлив), може да делува како природен антибиотик и прочистувач на дигестивните органи и допринесува за рамнотежа на маснотиите и шеќерот во крвта. Некои го препорачуваат и за полесно слабеење.
Како лековит третман кваесцот се зема меѓу оброци, една до две лажички растопен во малку вода или млеко, или растопен во уста, еднаш до најмногу три пати на ден.
Од кваесцот се подготвуваат и маски за лице, кои ги смируваат акните и другите кожни воспаленија за прочистување и разубавување на тенот. Вообичаено, сувиот квасец се меша со млако млеко и се остава да се исуши на лицето, а потоа темелно се мие со топла, па со ладна вода. Маската за лице може да се добие и со мешање на квасец до ружина вода.
