Доколку имате проблем и страдате бидејќи рацете постојано ви се ладни, одговорот, веројатно, е дека ви е потребна поголема мускулна маса. Истражувањето објавено во списанието American Journal of Physical Anthropology утврдило дека мускулната наса ја одржува температурата во дланките кога се изложени на студени температури.
Според истражувачите на Универзитетот Кембриџ, дланките имаат голем однос на површината според зафатнината – колку е поголема површината, а помала зафатнината, потешко е да се одржи термалниот баланс.
Конкретно во ова истражување се покажало дека лицата со поголема мускулна маса се поотпорни на губење на топлината и штетите од студеното време во однос на оние кои имаат помала мускулна маса. Истражувачите, исто така, веруваат дека резултатите од нивното проучување се нешто што е суштинско за разбирање на терморегулацијата т.е. способноста на телото да ја регулира сопствената температура.
