Сигналите кои ни ги испраќа телото не треба да се игнорираат, туку да се гледаат како симптоми на состојби кои можат да бидат и сериозни. Најчесто тие ни сигнализираат дека на нашиот организам му недостасува нешто, како на пример хранливи состојки, витамини или минерали.
Ладни раце
Ова за повеќето е знак за слаба циркулација, пад на имунитетот или едноставно за студенило. Но, покрај тоа може да биде знак и за недостаток на јод. Највредните продукти што содржат јод доаѓаат од морето, тоа се алгите, туната, бакаларот или шкампите, но и печениот компир е одличен извор на јод.
Сува кожа што се лупи
Најчесто виновник за оваа состојба е времето, поточно сувиот воздух во загреаните простории. Сепак, оваа состојба може да биде предизвикана и од недостаток на витамин А. Тој е клучен за обновување на клетките на кожата. Црвеното месо и морските плодови се одличен извор на витамин А.
Меки, кршливи нокти
Земањето калциум за да се подобри состојбата на ноктите понекогаш не е доволно, од причина што на организмот можеби му недостасува и магнезиум. Резултатот е бавен раст на ноктите, висок крвен притисок, болки во мускулите и слабост. За да внесете што повеќе магнезиум јадете зелен лисест зеленчук, како спанаќ или блитва, житарки од цело зрно, сушено овошје и риба.
