Најголема заблуда за исхраната е идејата дека пет, шест помали оброци на ден ја забрзуваат работата на метаболизмот. Всушност, тоа може и да е вистина, но овој начин на исхрана дефинитивно не влијае на топење на масните наслаги. Студијата објавена во „Британски дневник на исхраната“ вели дека нема никакви разлики меѓу оние кои јадат почесто и помалку и оние кои имаат три оброка на ден.
Зошто?
Причината е во тоа што метаболните процеси и покрај тоа што се забрзуваат, се сразмерни на внесот на калории, а на тоа никакво влијание нема колку често јадете на ден. Друга студија дури покажала дека колку почесто внесувате помали оброци тоа попрво предизвикува чувство на глад. Причината за тоа се крие во грелинот – хормон кој предизвикува глад. Колку почесто џвакате нешто, толку повеќе го зголемувате нивото на хормонот и го доведувате телото до зголемен број на килограми. Парадоксално, но вистинито – колку поретко јадеме толку поретко сме и гладни.
Дури и ако не сакате да го намалите внесот на храна, постојат уште некои предности на контролата на апетитот. Зголемувањето на времето меѓу два оброка има и некои хормонски предности кои доведуваат до подобрување на физичкиот изглед. Паузата меѓу оброците во одреден интервал го поткрева нивото на инсулин и хормонот за раст кои ја поттикнуваат трансформацијата на мастите во мускулна маса.
Запамтете – нема никаква корист од шест мали оброци во еден ден, како што нема ни негативни последици од три обилни оброка. Во овој случај помалку значи повеќе.
