Таквите лаги незабележливо знаат да станат и вообичаена навика. Ние ви претставуваме неколку мали лаги кои родителите редовно ги зборуваат на своите деца, а не би требало.
Ветувам дека нема да те боли
Со оваа лага се послужил секој родител барем еднаш во животот, и тоа за време на посета на лекар. Викањето и плачењето се составен дел кога детето се вакцинира, прима инјекција, му земаат крв… а со цел да се смири, родителите на детето му ја изговараат оваа лага. Наместо тоа, обидете се да му објасните дека тоа што го прави докторот или медицинската сестра може малку да го заболи, но дека брзо ќе помине и брзо ќе заборави на таа болка.
Паркот веќе не работи
Се разбира, дека паркот нема работно време, но немате потреба да му кажете на детето или на децата дека тој е затворен или дека сега во него нема никој. Наместо тоа, кажете им ја вистината на децата. Кажете им дека во моментот имате други обврски кои мора да се завршат и дека едноставно немате време да ги однесете. Ова не значи дека нема да се жалат, но ќе разберат дека не секогаш ќе биде по нивно.
Доаѓам за една минутка
Сите ние ова го кажуваме многу пати, но ретко кога тоа е во вистинската временска рамка. Се разбира дека намерата на родителот секогаш е добра, но ова е непотребна лага. Едноставно кажете им на децата што точно правите и дека кога ќе бидете готови со таа обврска ќе му обрнете внимание, бидејќи постои можност она што го правите да потрае повеќе од една минута.
Време е за спиење
Веќе е 19:30 часот, а времето за нивно легнување во кревет е нешто по 20 часот. Оваа лага е краткотрајна бидејќи штом децата почнат да го разбираат концептот за време ќе почнат да ве прозиваат за овие мали лаги. Наместо вака, кажете им поинаку. Кажете им дека е време да се подготви креветот за спиење и обидете се оваа рутина да ја правите секој ден во исто време.
Одам без тебе
Оваа лага нема никаква смисла да се изговара, бидејќи неа може да ја сфатат и најмалите деца. Ретко на кој родител обидите со оваа празна закана им даваат резултат. И да успее, тоа не е долгорочно. Наместо тоа, кажете им на децата дека ако не тргнат сега, подоцна нема да можат да гледаат цртан филм или нешто слично. Тогаш децата ќе ве послушаат бидејќи вашите зборови имаат одредена тежина.
