Лавандата долго време се користи поради нејзиниот пријатен и релаксирачки мирис. Но, нејзините придобивки се многу повеќе од ароматерапија. Денес есенцијалните масла се навистина популарни, вклучувајќи го и она од лаванда. Лавандата е најпозната по тоа што ги намалува стресот и напнатоста, но има и други примени.
Изгореници
Повеќето луѓе користат алое вера за помали изгореници, но лавандата е можеби уште подобар природен лек. Иако алое верата ја намалува болката, лавандата има антибактериски и антисептички својства кои го поттикнуваат заздравувањето на раните. Можете да ја комбинирате со алое вера и мраз за да ја намалите болката.
Намалување на симптомите од алергија на полен
Лавандата долго време се користи како природен лек за ослободување од симптомите од алергиите, особено од онаа на полен. Кога ќе се земе предвид нејзината силна арома, ова не треба да не изненадува. Најдобриот начин да ја користите за алергии е да нанесете неколку капки од маслото на дланките и да вдишите длабоко.
Релаксирање и подобар сон
Веќе спомнавме дека лавандата е позната по својството на релаксација. Таа е одлична и за возрасни и за деца. Понекогаш е навистина тешко да ги заспиете децата, па неколку капки масло од лаванда во нивната соба ќе ги релаксира. Со маслото од лаванда можете да ги смирите и бебињата – измешајте 2-3 капки со масло од кокос и масирајте ги стапалата на бебето.
Егзема
Лавандата во комбинација со кокосово масло е одлична за кожните болести како егземата. И во овој случај помагаат нејзините антибактериски и антисептички својства кои ги намалуваат чешањето и болката.
Домашно направен лосион
Нема потреба да страдате од некоја болест на кожата за да ја вметнете лавандата во секојдневната грижа за себе. Измешајте неколку капки масло од лаванда со кокосово масло или шеа путер и ќе добиете домашно направен лосион што мириса неверојатно.
