Последниве години меѓу младата популација, но и постарите лица, особено оние кои водат сметка за килограмите, присутен е трендот за исфрлање на лебот од исхраната и генерално драстично намалување на внесот на јаглехидрати.
Исфрлањето на лебот од исхраната и намалувањето на внесот на сложени јаглехидрати, воопшто не е оправдано, велат лекарите, освен ако не е медицински опрвдано. Намалувањето на простите јаглехидрти е препорачливо и здраво. Енергијата од јаглехидратите треба да обезбеди околу 50-75% од дневните енергетски потреби. Житарките и производите од житарки треба да обезбедат од 30-36% од дневните енергетски потреби.
Зошто е важно да се јадат јаглехидрати, житарки, а особено леб?
Лебот од цело зрно пченица, покрај скробот, содржи и растворлив шеќер. Тоа се целулоза, хемицелулоза и лигнин (несварливи јаглехидрати), познати под името – растителни влакна. Тие содржат енергија, но поседуваат и одредени позитивни нутритивни ефекти: прават да се чувствуваме сити, влијаат на јакнење на дигестивните органи, ги апсорбираат токсичните материи во цревата, ја зголемуваат активноста на цревата. Кој вид на леб е најдобар за секојдневна исхрана?
Во секојдневната исхрана најдобар е домашниот леб, од интегрално брашно во ограничени количини, бидејќи има помал гликемиски индекс поради поголемата количина на влакна. Од индустриските лебови најважно е да се избере проверен производител, а задолжително проверете дали во лебот има додадено прост шеќер (ако има тоа не се препорачува.
Сите најригорозни диети се опасни, нагласуваат лекарите. Ако се спроведува одредена строга диета, тоа треба да биде под надзор на лекар и нутриционист, најдобро во здравствена установа и таре кратко. Исклучувањето на јаглехидратите и лебот покрај тоа што предизвикува хипогликемија (пад на шеќерот во крвта), со тек на време ги троши и протеините од мускулите, односно ја намалува мускулната маса.
Совети за комбинирање на лебот и кој период е најпогоден за консумирање
Со секој оброк може да се консумира 1-2 парчиња леб, зависно од енергетските потреби, бидејќи големиот внес на леб и пецива може да доведе до гојазност. Повеќе од две парчиња леб може да изедат за појадок (со намалување на количината за ручек и вечера), бидејќи енергијата од појадокот се троши преку целиот ден.
