Освен што го зајакнува имунитетот, прополисот, пчелен производ, исто така, помага и кога ќе се појави болеста – ги олеснува симптомите на грип и настинка. Станува збор за идеален природен лек кој има антивирусни, антибактериски, антивоспалителни и антитуморски својства.
Овој пчелен производ богат со цинк го зајакнува имунитетот и е тесно поврзан со зголемена сексуална желба. За што друго помага прополисот?
Настинка и грип
Прополисот е одличен во борбата против настинка и грип. Пред спиење доволно е да го намачкате подрачјето на градите со прополис за побрзо да ја смирите кашлицата која обично се влошува преку ноќта.
Акни
Овој едноставен, ефикасен и целосно природен третман е, исто така, исклучително ефикасен и во борбата против акните. За успешни резултати потребно е неколку пати на ден да ги премачкувате зафатените места со прополис. Сличен ефект се постигнува и со примена на мешавина од мед и прополис.
Афти
Прополисот и неговите придобивки се познати, а меѓу нив е и позитивното дејство врз афтите. Премачкајте ги со прополис, а доколку не поминуваат подолго време консултирајте се со доктор.
Првут
Проблемот со првут се јавува и кај масна и кај сува коса. Потребно е да употребувате благи шампони со билни состојки и прополис. Измијте ја косата добро и нежно масирајте го скалпот.
Стрес
Луѓето кои редовно земаат прополис имаат тенденција полесно да се справуваат со стресот. Со оглед на тоа што содржи многу аминокиселини, есенцијални масни киселини (киселини кои му се потребни на нашето тело, но не може само да ги произведе) и витамини, ни помага да се справиме со сите негативни последици од стресот со кој се соочуваме секојдневно.
Сексуална енергија
Со векови, спортистите го користат прополисот за да го зголемат нивото на енергија и издржливост, а тоа се карактеристики кои се потребни и за добар сексуален живот. Хроничните проблеми со простатата се резултат на акумулација на слободните радикали на кислород во семената течност. Тие предизвикуваат „изгореници“ на клеточно ниво, а прополисот тоа непријатно чувство го ублажува и го подобрува задоволството од сексуалниот однос.
Ги смирува раните
Прополисот е исклучително ефикасен кај чирови, изгореници и убоди.
