НОВО ОТКРИТИЕ НА НАУЧНИЦИТЕ: Во крвта на пациентите најдена трага која упатува како да се лекуваат најтешките случаи на КОВИД-19

Британските научници почнуваат со тестирање на начин на лекување, кој се надеваат, би можел да придонесе за сузбивање на најтешките последици од заразата со КОВИД-19 кај болните со тешка клиничка слика. Тие откриле дека пациентите кои боледуваат од најтешка форма на КОВИД-19 имаат исклучително низок број на клетки во имуниот систем кои се нарекуваат Т-клетки.

Тлимфоцитите или Т-клетките заедно со Б-лимфоцитите се клетки на стекнат имунитет. Се активираат при контакт со својот антиген, молекула која поттикнува создавање на антитела, односно имунолошка реакција во организмот, и извршуваат широк спектар на функции кои вклучуваат клеточна имуност и регулирање на имунолошкиот одговор на организмот.

Во ново клиничко испитување, кое го спроведуваат научници од три престижни медицински центри во Велика Британија, ќе се евалуира ефектот на протеинот “интерлеукин 7“ кој го зголемува бројот на Т-клетките и може да помогне во опоравувањето на пациентот.

Тие ја проучувале крвта од 60 пациенти заболени од новиот коронавирус, при што воочиле голем пад на Т-клетките.

Професор Адриан Хејдеј од Институтот Крик, вели дека тој и колегите биле многу изненадени кога виделе што се случува со клетките на стекнатиот имунитет.

Научниците ја проучувале крвта од 60 пациенти заболени од новиот коронавирус, при што воочиле голем пад на Т-клетките.

“Тие настојуваат да го заштитат организмот, но се чини дека вирусот делува на начин да ги спречи во тоа, бидејчи нивниот број е значајно намален. Во микролитар (0,001мл) крв на здраво лице има помеѓу 2.000 и 4.000 Т-клетки. Кај пациентите болни од КОВИД-19 кои ги тестиравме, присутни беа помеѓу 200 и 1.200 Т-лимфоцити“, потеницра проф. Хејдеј.

Научниците велат дека ова откритие би можело да отвори пат за развој на тест за утврдување на нивото на Т-клетките во крвта, што би можело да даде рани индикации за тоа кај кој пацинет ќе се развие тешка форма на болеста.

Резултатите упатуваат и на тоа дека со специфичен начин на лекување би успеало да се спречи пад на бројот на клетките на имуниот систем.

Ману Шанкар-Хари, советник на одделот за интензивна нега во болницата Guy’s and St Thomas вели дека околу 70 проценти од пациентите на тој оддел поради КОВИД-19 кога биле хоспитализирани имаат помеѓу 400 и 800 лимфоцити по милилитар крв. Штом почнуваат да закрепнуваат, нивото на лимфоцитите почнува да расте, додава тој.

Ова откритие би можело да отвори пат за развој на тест за утврдување на нивото на Т-клетките во крвта, што би можело да даде рани индикации за тоа кај кој пацинет ќе се развие тешка форма на болеста.

Интерлеукин 7 веќе е тестиран на мала група пациенти со сепса и докажано е дека сигурно го подига нивото на овие клетки во крвта.

Во рамкте на ова испитување, научниците ќе им дадат на пациенти со низок број на лимфоцити, интерлеукин 7, кои на одделот за интенизвна нега се згрижени повеќе од три дена.

“Се надеваме дека, откако ќе се зголеми бројот на тие клетки, ќе се подобри и општата состојба на пациентите. Како лекар на одделот за интензивна нега секојдневно се грижам за пациенти во многу лоша здравствена состојба, поради што успешноста на ваквото лекување би била многу охрабрувачка“, вели д-р Шанкар-Хари.