Американската агенција за храна и лекови (FDA) издаде предупредување за лекот за мултиплекс склероза – alemtuzumab, по извештајот за пациенти кои претрпеле мозочен удар и оштетувања на артериите на главата и на вратот по примање на инфузија со овој лек.
Повеќето пациенти кои доживеале мозочен удар и кај кои дошло до оштетување на артериите (артерсика дисекција) на главата и на вратот развиле симптоми во рок од еден ден од примање на инфузијата со лекот. Кај еден пациент, симптомите се појавиле три дена од примање на лекот.
Споменатите нуспојави може да доведат до трајна онеспособеност и смрт.
Доколку пациентите кои го примаат овој лек развијат знаци или симптоми на мозочен удар или артериска дисекција (раздвојување на слоевите на ѕидовите на артериите), пациентите треба да побараат итен прием и лекување во болница.
Симптоми кои може да се појават по примената на споменатиот лек се ненадејна вкочанетост или слабост во лицето, рацете или нозете, особено на едната страна на телото; ненадејна збунетост, потешкотии во говорот или тешкотии во разбирање на говорот; проблеми со говорот; проблеми со видот во едното или во двете очи; ненадејни проблеми со одот; вртоглавица или губење на рамнотежа; ненадејна тешка главоболка или болка во вратот.
