Се чини дека секој месец доаѓаат нови информации за суперхрана што треба да ја консумираме. Но, имунологот д-р Хедер Модеј, смета дека секоја намирница која е богата со витамини и минерали е суперхрана за имунитетот.
Сепак, некои намирници се истакнуваат од останатите. Еве за кои 5 намирници станува збор, а кои можат да го засилат и заштитат имуниот систем.
ПЕЧУРКИ
Печурките се познати како омилена храна илјадници години, а денес модерната наука појаснила дополнителен број добри својства на оваа храна, а во зависност од видот, таа може да влијае на активноста на имунитетот.
“Печурките можат да го зголемат бројот на цитокини, што ќе помогне да се стимулира клеточниот имунолошки одговор кога ќе биде нападнат од бактериски инфекции. Студиите до денес покажаа како тие обезбедуваат придобивки за имуниот систем кој полесно ќе се бори против вирусите и клетките на ракот“, заклучува докторката.
ЃУМБИР
Ѓумбирот има неколку силни противвоспалителни својства, а делува и како антиоксидант. Содржи и биоактивна супстанца која се покажа како ветувачка за превенција од кардиоваскуларни болести со намалување на нивото на оксидативниот стрес во крвните садови, како и воспалителни процеси во пределот на срцето. Досега, студиите покажаа дека екстрактот од ѓумбир може да превенира алкохолна болест на црниот дроб и да спречи оштетување на црниот дроб што може да биде последица од хемотерапија. “Често им препорачувам ѓумбир на пациентите кои страдаат од мачнини, надуеност или проблеми со варењето. Можете да го користите свеж или да направите чај од него”, објаснува д-р Модеј.
БРОКУЛА
Од неодамна многу внимание се посветува на брокулата, наводен извор на најсилното биохемиско соединение кое ќе го поддржи здравјето на имуниот систем: сулфорафан. Сама по себе, се покажа како состојка која ќе го подигне нивото на неколку антиоксидантни компоненти. NRF-2 е една од компонентите во нашите клетки, а се нарекува и главен регулатор на антиоксидантите, што значи дека ќе го зголеми производството на некој друг.
NRF-2 може да игра голема улога во намалувањето на воспалителните процеси забележани при неколку состојби, како што се рак, ХОББ или болести на црниот дроб. Најдобар начин за консумирање на брокулата е во сурова форма, на пример во салата, бидејќи сулфорафанот лесно се уништува при готвењето.
ЛУК
Не само што го подобрува вкусот на секое јадење, тој содржи и бројни компоненти кои го регулираат имуниот систем. Природно може да го регулира холестеролот и крвниот притисок, штити од настинки и внатрешни инфекции, содржи органосулфурни соединенија кои имаат имуномодулаторни својства и ги ублажуваат симптомите на настинка и грип.
КУРКУМА
Ако треба да се избере една компонента што ќе го поддржи здравјето на имуниот систем, тогаш тоа е коренот од куркума. Го намалува холестеролот и кортизолот, може да спречи промени во имуниот систем и ги намалува отоците на зглобовите.
