Д-р Лора Перди зборува за совети за тоа на кој важен симптом на високиот холестерил треба да се обрне внимание.
Што е холестерол и зошто е важен?
“Холестеролот е вид на масна молекула која циркулира во крвотокот. Обично доаѓа од разградувањето на масните молекули во дигестивниот процес, но некои луѓе може да имаат генетски или други состојби кои доведуваат до тоа да телото во крвните садови им задржува поголеми од просечните количини на холестерол“, објаснува д-р Перди.
Таа објаснува дека постојат неколку различни видови на холестерол, а често се нарекуваат добар холестерол или лош холестерол. “Добриот холестерол е уште еден поим за ХДЛ, што е кратенка за липопротеин со висока густина. Овој посебен вид холестерол помага во елиминирање на другите штетни видови на холестерол од телото. ЛДЛ, што значи липопротеин со ниска густина, е тип на лош холестерол што треба да го контролираме за да спречиме ризик од кардиоваскуларни болести“, додава докторката.
Овој тип на холестерол може да придонесе за формирање на наслаги во артериите во нашето тело, што може да предизвика срцев удар и мозочен удар. Затоа е важно да се разберат разликите помеѓу двата вида холестерол, особено кога станува збор за долгорочното здравје.
Холестеролски тумори на кожата
“Некои луѓе кои имаат висок холестерол ќе развијат ксантоми, наслаги или мали тумори на холестерол кои можат да бидат видливи на одредени делови од телото“, вели д-р Перди.
“Тие изгледаат како мали, восочни, жолтеникави испакнатини и многу често се гледаат под очите, но не се појавуваат по целото тело. Ксантомите се физичка манифестација на висок холестерол и луѓето кои имаат вакви видови на мали тумори на кожата треба да направат испитувања на крвта“, објаснува д-р Перди.
Обезност
“Обезноста е многу стресна за телото и предизвикува неколку медицински состојби, вклучително и висок холестерол. Постои многу поголем процент на покачен холестерол кај луѓето со прекумерна телесна тежина или обезност отколку кај луѓето кои не се. Ова е случај дури и за децата и адолесцентите, не само за возрасните. Поради оваа причина, се препорачува возрасните, тинејџерите и децата кои се со прекумерна тежина или имаат премногу висок БМИ да направат тестови на крвта како дел од нивниот годишен систематски преглед како би се утврдило нивото на холестерол“, вели д-р Перди.
