Бројни земји во светот ги попуштаат мерки за заштита од коронавирусот, основано на се помалиот број на починати од КОВИД-19, но и се помалку евидентирани новозаразени.
Сепак, според експертите, опасност и натаму постои, а се однесува на делта варијантата на коронавирусот, која е многу позаразна и се чини дека посебно “напаѓа“ една категорија.
Д-р Ентони Фаучи, главен советник за здравство во Белата куќа предупредува дека се уште не е готово со пандемијата.
МЛАДИТЕ ГИ ШИРАТ ВИРУСОТ
Американците имаат цел до 4.јули, 70 проценти од возрасната популација да биде вакцинирана барем со една доза, но тоа не е крајната цел, ниту е крај на натпреварот. Се се продолжува и во текот на летото, а крајната цел е комплетно да се стопира пандемијата. Се чини дека причината е токму тоа што голем број на луѓе не се вакцинирани, а тоа посебно се однесува на лицата на возраст од 18 до 6 години. Д-р Фаучи наведува дека сите треба да се вакцинираат, но мора дополнително внимание да се обрне на младата популација.
НОВАТА ВАРИЈАНТА НА ВИРУСОТ Е ОПАСНА
“Оваа варијанта е многу позаразна од се што досега сме виделе. Во моментов, таа е главна за инфекциите во Англија, и тоа за 90%, бидејќи едноставно ги поттисна и надмина сите претходни варијанти“, вели д-р Ашиш Џа, декан на Универзитетот Браун. Се работи за исклучително заразна варијанта, но добра вест е дека сите кои се вакцинирани, остануваат заштитени, бидејќи вакцините успешно делуваат и против оваа варијанта.
Но, голем е бројот на оние кои не се вакцинирани, а тука се вклучени и децата. Експертите советуваат што повеќе лица да се вакцинираат за да се победи и оваа варијанта, која освен што е позаразана, предизвикува и потешка форма на болеста.
“Добра вест е што сите достапни вакцини, по две недели од примање на дозата, штитат и до 88% од делта, а 93% од сите останати варијанти на коронавирусот“, наведува д-р Фаучи.
Кога ќе обрнеме внимание на хоспитализацијата, Фајзер и АстраЗенека се околу 95 проценти одлична заштита од хоспитализација, додава тој. Делта варијантата во моментов е најголема закана, но бидејќи постојат алатки за борба против неа, експертите бараат и да ги искористиме истите.
