Д-р Дебора Ли, која се опоравила од новиот коронавирус, сака да знаете неколку работи за вирусот кој е многу непостојан. Додека некои може да го имаат и речиси и да не го забележат, други ќе завршат на оддел за интензивна нега каде буквално може да се борат за живот, оти вирусот ги напднал нивните бели дробови.
Кои се тие сигнали кои откриваат дека е загрозено здравјето на белите дробови?
Освен насоките кои ви ги претставуваме, секако совет е веднаш да побарате лекарска помош, бидејќи респираторните инфекции може само да се влошуваат.
СЛЕДЕТЕ ЈА СЕРИОЗНОСТА НА ИНФЕКЦИЈАТА
Ако сте заразени со вирусот, во случај на блага форма на заболувањето, спизодата може да трае две недели, но три до шест седмици во посериозните форми. Сериозноста на симптомите на инфекцијата е поделена во пет групи:
- Асимптоматична
- Благ случај на инфекција
- Умерена болест
- Сериозна болест
- Критична состојба – акутен респираторен синдром
Искуствата од Вухан, од каде потекнува вирусот, покажуваат дека 81 процент од пациентите се примени со благи симптоми, а 14 проценти од заразените развиле сериозно воспаление на белите дробови, додека околу 5 проценти имале потреба од нега за критични случаи.
Кога лекарите сакаат да проценат дали доаѓа до пропаѓање на белите дробови, пред се ги интересира преминот од блага и умерена состојба до сериозна и критична. Благата и умерена состојба може да се третира и дома, но останатите случаи бараат хоспитализација.
Ова се информации кои ќе ви помогнат да одлучите дали вашата инфекција преминува од умерена до критична, а ако е така, да знаете дека е потребно веднаш да побарате помош.
КАШЛИЦАТА СЕ ВЛОШУВА
Околу 82 проценти од пациентите кои ја имаат оваа болест имаат и кашлица. Обично се работи за сува кашлица која иритира. Стручњаците ја појаснуваат таа кашлица во првата фаза од болеста како епизоди кои траат и до еден час, а се повторуваат три пати во денот.
Кашлицата се јавува поради воспаление на дишните патишта, а се работи за рефлекс кој постои за да се заштити телото од инвазија на непознати честички, како бактерии и вируси. Ако се воспалени белите дробови, со кашлицата ќе се исфрла и слуз. Кашлицата е добра работа во овој случај, но може да биде и многу напорна и да го измори болниот, но истовремено ќе оневозможи и пристап на воздухот во белите дробови, па може да предизвика и сериозни проблеми, како повреди на ребрата.
Ако кашлицата се влошува, тоа може да биде знак дека инфекцијата напредува и дека ќе се развие воспаление на белите дробови.
ТЕШКО ДИШЕТЕ
Оваа тегоба е пријавена од 31 процент од пациентите во Вухан. Јасно е дека исклучително непријатно да се има чувство дека ќе се остане без воздух, оти не можете да дишете. Нивото на тегобите со дишењето веројатно се најважниот индикатор на тешината на вашата состојба. Здраво возрасно лице ќе вдиши 12-18 пати во минута. Повеќе од 20 вдишувања во минута се нарекува забрзано дишење и се нарекува тахипнеа.
Неможноста за дишење влијае и на нормалните дневни активности, а како болеста продолжува да се развива, потешкотиите само ќе растат. Ако проблемот ви попречува во дневните активности, па на пример не можете да ја довршите реченицата без да останете без здив или ви е тешко да јадете и пиете, сигурно се работи за лош знак.
Доколку истовремено имате и потешкотии со одењето, јасно е дека нешто не е како што треба. Со ова се јавуваат и болки во стомакот или во гработ, поради напрегање на мускулите.
Ако забележите некои од овие проблеми, потребна ви е итна лекарска помош, бидејќи ова е сигнал дека веќе не се работи за блага форма на инфекцијата.
НИКОГАШ НЕ СТЕ БИЛЕ ПОУМОРНИ
Заморот е еден од првите симптоми што го пријавуваат лицата со КОВИД-19 и според кинеската студија од него страдале 70 проценти од пациентите. Ако сте болни, нормално е да чувствувате замор. Сепак, ако тоа премине во целодневен замор, како неможност да станете за да се искапете или да се облечете, немате апетит или не сакате ништо да пиете, тоа се веќе знаци на исцрпеност. Таа силна исцрпеност е последица на големиот број вируси во вашиот организам.
Тогаш телото го искористува имуниот систем до крајни граници. Тоа може да резултира со висока телесна температура, потење, кашлање и може да води о дехидрација. Тешкото дишење исто така може да ве исцрпи. Како заморот се влошува, може да ви стане тешко да гледате ТВ или да се концентрирате и нормално да комуницирате.
Ако заморот не поминува и станува екстремен, тоа е знак дека инфекцијата со коронавирусот станала сериозна и дека воспалението на белите дробови се влошува. Веднаш побарајте лекарска помош.
УСНИТЕ ВИ ПОПРИМААТ СИНА БОЈА
Ако усните или прстите ви изгледаат со сина боја, станува збор за сериозен знак на лошо функционирање на белите дробови и потребно е веднаш да побарате лекарска помош. Кога вдишуваме, белите дробови носат кислород на срцето и на остатокот од телото. Кога е во прашање сериозно воспаление на белите дробови, како тоа во случај на КОВИД-19, на телото веројатно му недостасува кислород. Организам обезбеден со кислород и дава на кожата убава розова боја. Крвта без доволно кислород има потемна боја, па кожата поприма нијанса на сино.
ВЕ БОЛИ ВО ГРАДИТЕ
Овој симптом не се споменува како важен, во воспалението на бели дробови може да предизивика и таков тип на болка. Ако воспалението на белите дробови влијае на ткивото на белите дробови, може да предизвика плевритис (восп. на обвивката на белите дробови). Типична болка која тогаш ја чувствувате е онаа кога ќе вдишите, а понекогаш може да се почувствува и во стомакот, вратото и во рамената. Воспалението на белите дробови може да предизвика и насобирање на вода во градите.
