Атеросклерозата е сериозна состојба при која наслагите составени од холестерол и масти се таложат во и околу ѕидовите на артериите. Лекарите издвојуваат пет знаци кои може да укажуваат дека артериите на некои луѓе не се здрави.
ДИГЕСТИВНИ ПРЕЧКИ
Лошата дигестија може да биде знак за затнати артерии.
“Дигестивните пречки или чувството на печење во градите често може погрешно да се сфати како симптом на рефлукс на киселина или други дигестивни проблеми. Меѓутоа, ова чувство често може да биде знак за срцеви заболувања или дури и срцев удар кај жените. Жиговината често се јавува после оброците и може да се ублажи со антациди. Ако чувството продолжи и по земањето антацид, тоа може да биде симптом на срцев удар, особено кај жените. Една од теориите за таква болка е поврзана со несоодветен проток на крв поради атеросклероза, што предизвикува срцето поинтензивно да работи во текот на јадењето“, објаснува кардиоторакалниот хирург Стивен Л. Нобл.
БОЛКА И СТЕГАЊЕ ВО ГРАДИТЕ
Лекарите предупредуваат дека треба да се обрне внимание и на болката во градите, која е исто така чест знак за висок холестерол.
“Блокадите на артериите не се еднакви. Лекувањето на артерија која е 97% блокирана е многу полесно отколку лекувањето на онаа која долго била 100% блокирана“, вели д-р Дарам Кумбхани.
“Понекогаш, кога артериите се целосно запушени, околу блокадата се развива ново снабдување со крв. Ова ново снабдување со крв нема да испорача доволно крв до срцето. Тоа може да доведе до истите симптоми на болка во градите и недостаток на воздух“, објаснува докторор.
ЗАМОР
Луѓето со затнати артерии често чувствуваат интензивен замор.
“Луѓето може да почувствуваат замор поради затајување на срцето предизвикано од затнати артерии. Заедно со отежнато дишење, ова е уште еден главен симптом на срцеви заболувања кај жените. Ако срцето не може да добие доволно кислород за да извршување на своите функции, срцето ќе почне да работи посилно. Ова дополнително оптоварување на срцето може да доведе до прекумерен замор“, вели д-р Нобл.
ВИСОК КРВЕН ПРИТИСОК
“Високиот холестерол и високиот крвен притисок имаат тенденција да одат заедно“, вели д-р Кирли, додавајќи дека едното не мора да го предизвикува другото, но многу е вообичаенс нивна заедничка појава кај пациентите.
“И секако, двете придонесуваат за зголемување на нечиј ризик од срцев и мозочен удар. Лицето со овие проблеми може да си помогне со поголема физичка активност и правилна исхрана“, додава тој.
ЕРКТИЛНА ДИСФУНКЦИЈА
Еректилната дисфункција може исто така да биде за затнати артерии, велат лекарите.
“Еректилната дисфункција е чест симптом за болести на коронарните артерии кај мажите“, вели д-р Нобл.
“Како што претходно беше кажано дека процесот на атеросклероза се одвива во малите артерии кои го хранат срцето, овој процес може да се случи и во малите артерии на машкиот полов орган“, додава д-р Нобл, нагласувајќи дека за нормална еректилна функција неопходен е здрав проток во гениталиите.
