Лицата кои имале КОВИД-19 во изминатите 12 месеци, лекарите ги предупредуваат да побараат знаци на нови потенцијални нескани ефекти. Имено, студија покажала дека лицата кои се бореле со инфекцијата SARS-CoV-2 се изложени на поголем ризик од по живот опасна состојба.
ДИЈАБЕТЕС КАКО ПОСЛЕДИЦА
Лицата кои прележале КОВИД-19 имале за 46 проценти поголема веројатност дека ќе развијат дијабетес тип 2 по прв пат, во следните 12 месеци од позитивен корона тест. Според студијата, ова ги погодува и лицата кои имале помалку симптоми или воопшто немале симтпоми на коронавирус. Но, оние кои страдале од потешка форма на болеста, биле најзагрозени.
Дијабетес тип 2 е состојба при која телото не може правилно да го преработи шеќерот од храната. Потребен е строг надзор, бидејќи без тоа, високиот шеќер во крвта може да предизвика оштетувања на органите, очите и екстремитетите, како и да доведе до срцев и мозочен удар.
Оваа сериозна состојба веќе е во пораст, поради растечката стапка на обезност меѓу луѓето.
НАУЧНО ИСТРАЖУВАЊЕ
Зијад Ал-Али, раководител за истражување и развој во St. Louis Health Care System, кој ја предводел студијата вели: “За пошироката јавност, ако сте имале КОВИД-19, мора да обрнете внимание на шеќерот во крвта“. Ова сознание доаѓа во време кога се проценува дека секое 20. лице во Англија има КОВИД-19.
Тој и неговиот тим ги споредиле здравствените картони на над 181.000 лица на кои им бил дијагностициран КОВИД-19 со 4,1 милион лица кои немале инфекција.
Во студијата објавена во списанието Lancet Diabetes & Endocrinology, се наведува:
“Доказите што сега ги добивме, покажуваат дека дијабетесот е аспект на повеќекратен долг КОВИД синдром. Стратегиите за пост-акутно згрижување и следење на лицата со КОВИД-19, би требало да вклучуваат и откривање и лекување на дијабетес“.
И други бројни студии покажаа можност за појава на дијабетес како последица на КОВИД-19. Минатата недела, германска студија покажа дека лицата кои прележале КОВИД-19 имаат за 28% поголема веројатност за развој на дијабетес тип 2. Во истражувањето учествувале 35.865 лица кои биле позитивни на коронавирус.
“Оваа студија, како и останатите, наговестуваат дека коронавирусот би можел да предизвика дијабетес тип 2, но се уште не е јасно дали вирусот предизвикува нови случаи на дијабетес тип 2, ги открива недијагностицираните случаи или привремено го покачува нивото на шеќер во крвта“, објаснува д-р Феј Рајли.
ДАЛИ СТЕ ВО ОПАСНОСТ?
Дијабетесот тип 2 може да остане неоткриен одредено време, бидејќи симптоми често изостануваат. Може да бидете во опасност доколку:
- Мокрите повеќе од вообичаено, особено навечер
- Постојано сте жедни
- Многу сте уморни
- Сте изгубиле на телесна тежина без да сакате
- Имате јадеж или чешање околу половите органи
- Имате исченица или рана на која и е потребено подолго време да заздрави
- Имате замаглен вид
Останатите, поретки симптоми се:
- Темни дамки на кожата
- Чести инфекции
- Чешање на кожата
- Сува уста
- Раздразливост
- Сладок здив
- Вкочанетост или трнење
- Проблеми со забите
Доколку во семејството има роднина со дијабетес или имате прекумерна телесна тежина, имате поголема шанса да се соочите со оваа дијагноза. Истото важи и за лицата над 40-годишна возраст.
