Многу жени тивко ја трпат оваа болка во страв дека околината, пријателите или колегите, ќе ги осудуваат заради овој проблем и ќе ги нарекуваат слаби и драматични. Иако не би требало да се крие ниту да се чувствува лошо заради нешто што е дел од жените, стручњаците донесуваат уште една причина повеќе зошто сите би требало сериозно да ја сфатат оваа болка.
Позната и како дисменореја, болката во матката пред и за време на менструацијата, е болна колку и срцевиот удар објаснуваат стручњаците од Универзитетот во Лондон. Професорот по репродуктивно здравје од Универзитетот рекол дека пациентите оваа болка ја опишале многу слично како и болката кај симптомите на срцев удар.
Оваа потврда е исклучително важна за жените ширум светот затоа што конечно можат да ги објаснат моментите на слабост во кои ги „сместуваат“ тие грчеви. Но и понатаму треба да се бараат подобри решенија за смирување на таа болка, која ќе оди понатаму од само обична превенција со ибупрофени. Таканаречените „женски проблеми“ секогаш биле недоволно забележувани во историјата на медицината, затоа што не биле сфаќани доволно сериозно. Дури и самиот збор „хистерично“ доаѓа од грчкиот збор за матка „хистера“. Се упатува на тоа дека жените уште од античко време пателе затоа што никој не ја разбирал нивната болка. Ова откритие значи чекор понатаму кон поотворена комуникација по прашањето на менструацијата и друштвото кое ќе ја признае како нешто моќно, а не нешто што треба да се игнорира.
