Ако кашламе некое време, многумина од нас ќе се посомневаат на корона и можеби нема да одат на дополнителни испитувања, што може да биде клучно во раното откривање на рак на белите дробови. Имено, за време на пандемијата со КОВИД-19, фокусот е ставен на симптомите на респираторните заболувања и на многумина им стана тешко да разликуваат “нормална“ кашлица од “смртоносна“ која може да укажува на рак на белите дробови. За жал, ракот на белите дробови има висока стапка на смртност.
Доколку ги имате овие симптоми, обратете се кај вашиот матичен лекар:
- постојано останување без здив
- кашлање со крв
- кашлица која трае три недели.
Другите вообичаени симптоми на рак на белите дробови вклучуваат:
- отекување на лицето
- чести инфекции
- крвни згрутчувања
- абнормално високо ниво на калциум.
Немојте да претпоставувате дека се работи за нешто друго, а иако можеби не е рак на белите дробови, важно е да се проверат причините. Доколку се работи за рак и рано се фати, имате големи шанси да си го продолжите животот, предупредуваат лекарите.
“Идентификувањето и дијагностицирањето на ракот во најраните фази е најефективниот начин да се ограничи неговото ширење, да се доведе во ремисија и да се зголемат шансите за преживување“, истакнуваат британските лекари. Пандемијата со КОВИД-19 речиси насекаде во светот ги намали посетите на лекарите и раното откривање на рак.
