Последниве недели кај 169 деца во 11 земји во светот откриен е непознат загрижувачки сој на акутен хепатитис (воспаление на црниот дроб), а најмалку едно дете починало од последиците од мистериозната болест, објави Светската здравствена организација (СЗО).
ЕВЕ ШТО ДОСЕГА СЕ ЗНАЕ.
- Каде се откриени случеви?
“Првите пет случаи воочени се од лекарите на 31 март во Шкотска, кои сфатиле дека се работи за нешто невообичаено“, вели Мера Чанд, директор на Одделот за клинички и нови инфекции во Агенцијата за здравствена безбедност Велика Британија.
Кај заболените деца не е евидентиран ниту еден од пет досега познати вируси на хепатитис – А, Б, Ц, Д и Е – не е регистриран кај болни деца, изјави д-р Чанд завчера во рамките на итната презентација одржана на Европскиот конгрес за клиничка микробиологија и инфективни болести.
Такви случаи се многу ретки. Имено, лекарите во Шкотска најчесто во една година забележувале четири до пет невообичаени случаи на хепатитис, потенцира д-р Чанд.
Велика Британија од тогаш пријавила вкупно 114 случаи, објави СЗО во ажурираните податоци.
Следен најголем број на случаи – 13, евидентиран е во Шпанија, а следат Израел со 12 случаи и САД со девет, додека помал број е забележан и во Данска, Ирска, Холандија, Италија, Норвешка, Франција, Романија и Белгија.
Кој заболува од инфекцијата?
Необјаснивиот вид на хепатитис воочен е кај деца на возраст од еден месец до 16 години, но повеќето случи се евидентирани кај помлади од 10 години, особено меѓу помладите од пет години. Важно е да се истакне дека поголемиот дел од децата претходно биле здрави.
Пред кај децата да бидат воочени знаци на тежок хепатитис, се појавиле симптоми како жолтица, пролив, повраќње и болки во стомакот.
Д-р Марија Бути, патолог од Барселона и претседател на Европското здружение за проучување на црниот дроб (EASL) вели дека “најголем проблем претставува тежината на сојот“.
Седумнаесет деца или 10 проценти од 169 препознаени случаи, заболеле од толку тешка форма на хеаптитис што им била потребна трансплантација на црн дроб, додава д-р Бути.
Аикатерини Мугу, стручњак за антимикробна резистенција во Европскиот центар за превенција и контрола на болести (ЕЦДЦ), потврди дека пријавените случаи се “навистина многу загрижувачки“.
Не е познато дали се заболени уште деца кои имале поблага форма на болеста, едноставно затоа што не се успеало да се влезе во трага на симптомите, додава Мугу.
“Со оглед на тоа дека не знаеме причината, не го знаеме ниту патот на пренесување, ниту како да се спречи заразатаа и како да се лекува болеста“, вели д-р Мугу.
Што исклучија лекарите и научниците?
Хепатитисот е воспаление на црниот дроб и генерално болеста е ретка кај здрави деца. Според мислењето на стручњаците, се чини дека нема никаква вообичаена изложеност што би ги поврзала пациентите, а СЗО ја ги исклучи меѓународните патувања како врска и потенцијален фактор на болеста.
Д-р Чанд вели дека болеста не може да се поврзе ниту со парацетамолот, кој, во случај на предозирање, може да предизвика затајување на црниот дроб.
Научниците исклучија и било каква поврзаност на болеста со вакцините против КОВИД-19, со оглед дека повеќето деца не биле доволно стари за да примат вакцина.
- Која е главната хипотеза?
Аденовируси – вообичени вируси кои предизвикуваат низа болести како настинки, бронхитис и пролив, но главно не резултираат со тешки болести, откриени се кај 74 случаи, соопшти СЗО.
Д-р Чанд вели дека аденовирус е пронајден кај 75 проценти од пациентите во Велика Британија.
Таа ја изнесе и “главната хипотеза“, според која се работи за комбинација на вообичаен аденовирус и некој друг фактор што ја прави болеста потешка.
Една можност, сметаат стручњаците, е дека многу малите деца во нивните “формативни години“ поради пандемиските мерки, како носење маски и повторувачки карантини, во последниве две години не изградиле имунитет на овие аденовируси и не биле изложени на вообичаени вирусни инфекции.
“Неочекувано зголемување“ на бројот на случаи на аденовируси неодамна е забележано и во неколку други земји, меѓу кои се Ирска и Холандија, соопшти СЗО.
Друга можна причина за појавата на непознатиот сој на хепатитис може да биде комбинација на аденовирус и КОВИД-19 или поврзаност со претходна инфекција со КОВИД-19, смета д-р Чанд.
Деветнаесет од 169 деца кои заболеле од невообичаениот сој на хепатитис имале и КОВИД-19 и аденовирус, додека 20 од нив имале само КОВИД-19.
Сите стручњаците истакнуваат дека за дополнителни истражувања потребно е повеќе време, но д-р Бути верува дека резултатите би можеле да се очекуваат веќе во рок од еден месец.
- Што може да се превземе?
Д-р Бути вели дека, со оглед на тоа дека аденовирусот е заразна болест, мерките воведени поради КОВИД-19 се ефикасни и против него.
Станува збор за одржување на лична хигиена, особено за редовно миење на рацете. Таа ги повика лекарите при прегледот да обрнат внимание на знаците на жолтица.
