Повеќе од еден милион лица во светот оздравеле од коронавирусот, но времето на опоравување за секој поединец е различно. Повеќето заболени ќе развијат благи симптоми и ќе се опорават за околу една до две недели. Но, во сериозните случаи, опоравувањето може да потрае дури и повеќе од една година.
Лекарите во Центарот за периоперативна нега во Велика Британија велат дека пушењето, алкохолот, физичката активност и општо здравиот начин на живот прават голема разлика кога станува збор за опоравувањето од коронавирусот.
Еве што лекарите објаснуваат на кој начин времето на опоравување варира.
Може да потрае неколку недели, месеци, а можеби и околу една година да лицето се опорави од коронавирусот. Оние пациенти со благи симптоми, вообичаено се опоравуваат дома. Тоа најчесто трае околу една седмица, но понекогаш и подолго. Инфекцијата целосно не престанува додека телесната температура е зголемена, но кашлицата може да остане присутна и во наредните неколку недели. Сепак, и по оздравувањето и негативните тестови, некои пациенти ќе чувствуваат замор уште некое време.
Дури и вообичаените активности, како облекување или варење кафе може да им бидат многу напорни и да ги исцрпуваат. Таквите пациенти ќе мораат и натаму многу да одмораат, здраво да се хранат и да пијат многу вода.
Кога станува збор за оние пациенти со тешка клиничка слика и симптоми на КОВИД-19, кои во текот на хоспитализацијата можно е да примале кислород, и по опоравувањето ќе бидат уморни и ќе имаат краток здив. На телото му е потребно време да се опорави од инфекцијата што ја предизвикал вирусот.
Физичкото опоравување обично трае од 2-8 недели.
Но, треба да се заборави ниту менталното здравје, бидејќи престојот во болница поради коронавирусот за многумина е стресно искуство, особено што таквите пациенти не смеат да примаат посета.
За пациентите кои имале исклучително тешка форма на болеста, и биле приклучени на респиратори, опоравувањето трае најдолго и може да потрае од 12-18 месеци. Освен замор, потешкотии со дишењето и проблеми со менталното здравје, таквите пациенти долго време минале во кревет во една положба. Поради тоа мускулите им се ослабени и е потребно подолго време тие повторно да се изградат и да се вратат во нормала. Не кои од нив, во тој случај, им е потребна физикална терапија и пропишани вежби.
Лекарите истакнуваат дека општото здравје е исклучително важно и може да значи голема разлика во тоа ккако нечиј организам ќе се носи со коронавирусот и колку долго ќе се опоравува. Затоа повикуваат на престанок со пушење, пиење помалку алкохол, редовна физичка активност и здрави оброци, како и одржување на здрава телесна тежина. Тие фактори најчесто и значат и побрзо опоравување од коронавирусот.
