Колку повеќе луѓе се вакцинираат во светот, така пристигнуваат и различни информации за несаканите ефекти, без оглед за која вакцина се работи. Некои по вакцинирањето ќе поминат денови лежејќи во кревет, а други пак нема ни да почувствуваат никакви последици. Која е причината?
РАЗЛИЧНИТЕ ИМУНИТЕТИ СЕ ГЛАВНАТА ПРИЧИНА ЗА РАЗЛИЧНИТЕ РЕАКЦИИ
Д-р Роберт Финберг., професор на Универзитетот Масечусетс појаснува дека телото равива две реакции на вакцината: иницијален одговор на имунолошкиот систем и адаптивен имунолошки одговор кој настапува нешто подоцна и помага во заштитата при подоцен контакт со вирусот.
Долготрајниот адаптивен одговор се потпира на Т и Б клетките на имунитетот, кои учат како да го препознаат вирусот, односно неговиот протеин. Ако се јави повторно, по месеци или години во иднина, тој одговор на имунитетот ќе го препознае стариот непријател и ќе започне со производство на антитела кои ќе го уништат, појаснува лекарот.
Д-р Марк Лоафман, вели дека реакцијата на организмот всушност е рефлексија на тоа колку имунитетите ни се разликуваат. “Секој имун систем е мозаик на она што сме го поминале, што моментално минуваме и што во себе имаме. Така, индивидуалниот одговор варира од лице до лице“, појаснува тој.
И ГЕНЕТИКАТА ИГРА УЛОГА ПРИ ИМУНОЛОШКИОТ ОДГОВОР
Д-р Крис Томпсон, имунолог на Универзитетот Лојала во САД, појаснува дека на вакцините реагираме различно поради бројни причини, па напоменува дека општото здравје, генетиката, околината, возраста и полот чинат само некои од факторите. Дури и ако се чувствувате добро по вакцината, тоа не значи дека вашиот организам не пружил добар имунолошки одговор.
ЈАЧИНАТА НА РЕАКЦИЈАТА НЕ ЗБОРУВА НИШТО ЗА ВАШАТА СИЛА НА ИМУНИТЕТОТ
Најчесто се јавуваат последици како болка, црвенило, оток, замор, главоболка или мачнина, наведуваат стручњаците, но било кој од симптомите, било да се благи или интензивни, не значи дека вакцината делувала слабо или подобро. Научниците до денес не ја поврзале јачината на реакцијата со подобар адаптивен одговор.
НЕДОСТАТОКОТ НА РЕАКЦИЈА НЕ ЗНАЧИ ДЕКА ВАКЦИНАТА НЕ ДЕЛУВА
“Ако сте немале реакција, тоа не значи дека вашиот имун систем не работи, не би се фокусирал на таа реакција како доказ за делувањето на лекот“, напоменува д-р Џејмс Фернандез, алерголог.
“Само околу 50 проценти од вакцинираните имале реакција која не била болка во раката, додека 95 отсто од нив биле заштитени од тешка форма на КОВИД-19“, додава тој.
