ВА.5 беснее во светот, поради што во многу земји се преиспитува обврската за носење маска, како се зголемува бројот на нови случаи на КОВИД-19. Симптомите може да бидат во распон од едвај забележливи до толку сериозни да е е потребна медицинска грижа, но стручњаците сакаат една работа да биде јасна: ВА.5 е најзразната варијанта на коронавирусот досега и може да го избегне имунитетот.
Д-р Џо Гасталдо, директор на OhioHealth вели: “Со моменталната циркулирачка подваријанта на омикрон (ВА.5), во клиниката гледаме повеќе пациенти со КОВИД-19 кои имаат симптоми кои се во склад со инфекции на горните дишни патишта; болка во грло, сува кашлица и течење на носот.
Педијатарот д-р Сиеда Амна Хусеин вели: “Со КОВИД-19, може да продолжите да имате симптоми и по ‘заразниот период’. По вакцинацијата, симптомите можеби и не се толку тешки, но се уште може да вклучуваат треска, главоболка, болки во мускулите, замор, воспаление на грлото и уште поинтензивни симптоми како отежнато дишење.
Ако страдате од долг ковид, тогаш отежнатото дишење може да потрае не некое време. За среќа, вакцините исто така можат да помогнат во намалувањето на зачестеноста на долгиот ковид. Најлесен начин да знаете дали сте имале КОВИД-19 е брзото тестирање дома.
КАКО НЕКОЈ НЕ ЗНАЕ ДЕКА ИМАЛ КОВИД-19?
Д-р Хусеин објаснува: “Многу е веројатно дека сте биле заразени со вирусот во одреден момент, а за тоа да не сте свесни, бидејќи околу 40% од потврдените случаи на КОВИД-19 се асимптоматски според анализата на списанието Journal of American Medical Association. Стручњаците велат дека најдобро време за тестирање е 3-5 дена по изложување на вирусот, дури и ако не покажувате симптоми.
ЗОШТО Е ОПАСНА ПОВТОРНАТА ЗАРАЗА СО КОВИД?
Д-р Гасталдо вели: “Би било погрешно да се мисли дека ‘не е голема работа’ да се добие КОВИД-19. Ако лицето има ризична состојба или е невакцинирано, постои зголемен ризик од тешка и сериозна болест што би резултирала со хоспитализација или дури и смрт. Освен тоа, иако КОВИД можеби нема да резултира со тешка болест, реинфекцијата (повторна инфекција) или инфекцијата по вакцинацијата може да резултира со долг ковид. И вакцинираните и невакцинираните лица кои се заболуваат од КОВИД-19, се изложени на ризик од долготрајни симптоми, од кои некои можат да бидат исцрпувачки. ЦДЦ проценува дека еден од 13 возрасни Американци има долгорочни симптоми на КОВИД-19 по инфекцијата.
ШТО ТРЕБА ЛУЃЕТО ДЕГА ДА ЗНААТ ЗА КОВИД-19?
Д-р Хусеин вели: “КОВИД-19 е сè уште многу присутен. Варијантата BA.5 е најпреносливата варијанта досега, па затоа е од големо значење да продолжиме често да ги миеме рацете и да носиме маски додека сме на затворени јавни места. Освен тоа, важно е да знаете дека иако можеби се чувствувате здрави, сепак е можно да имате КОВИД-19 (асимптоматски) и многу луѓе кои се инфицираат по вакцинацијата имаат многу благи или никакви симптоми. Затоа, важно е да продолжите често да се тестирате себеси и вашите најблиски ако сте биле изложени“.
ЗОШТО ВА.5 МОЖЕ ДА ГО ИЗБЕГНЕ ИМУНИТЕТОТ?
Д-р Хусеин вели: “Варијантите на КОВИД, вклучително и ВА.5, можат да го ‘избегнат од имунитетот’ поради мутации. Ова е нормален дел од однесувањето на вирусот. Поединците треба да продолжат да се вакцинираат бидејќи вакцината против КОВИД-19 ја намалува сериозноста на болеста и хоспитализацијата.
