Со оглед дека делта сојот и понатаму непречено се шири во светот, се уште трае “сезоната на маски“. Д-р Џенифер Балкус, професор по епидемиологија во Вашингтон смета дека маските се важна и достапна алатка која и понатаму мораме да ја користиме.
Зошто маски мораат да носат и вакцинираните лица? Еве го одговорот.
БРОЈОТ НА СЛУЧАИ СЕ УШТЕ Е ГОЛЕМ
Не може да се зборува дека се е во ред бидејќи бројот на случаи и натаму се зголемува, а особено кај невакцинираните лица. Вчера, според податоците на Министерството за здравство регистрирани се 227 нови случаи на КОВИД-19, а починати се 15 лица.
ДУРИ И ВАКЦИНИРАНИТЕ ЛИЦА МОЖАТ ДА СЕ ЗАРАЗАТ
Постоечките вакцини против оваа болест и натаму се добра заштита од делта сојот, но не со иста јачина како од претходните варијанти на вирусот. Тоа значи дека може да се заразите иако сте вакцинирани два пати со било која вакцина, а тоа се нарекува пробојна инфекција. И додека симптомите на инфекцијата се благи кај вакцинираните лица, сепак може да се работи за сериозен исход. Равина Кулар, лекар на УКЛА Универзитетот вели дека сепак постојат случаи кои се примени на болничко лекување иако се вакцинирани, а особено е опасно што се уште не се целосно јасни последиците од болеста.
ЗАРАЗЕНИТЕ ВАКЦИНИРАНИ ЛИЦА МОЖЕ ДА ЈА ШИРАТ ИНФЕКЦИЈАТА
Без оглед дали лицето е вакцинирано или не, тоа и натаму може да го пренесува вирусот. Тоа се однесува и на оние кои немаат симптомо токму поради тоа што оваа варијанта на вирусот е многу позаразна од претходните – бројот на честички на вирусот во носот е 1000 пати поголем кога е во прашање делта сојот.
ВАКЦИНАТА НЕ ШТИТИ КОМПЛЕТНО
Лицата кои имаат ослабен имун систем поради лекови кои ги земаат или операција или се на хемотерапија, немаат преголема заштита. Токму поради оваа причина, пред нас е дополнителна доза вакцина. Давањето трета доза на одредени категории на имунокомпромитирани лица треба да се разликува од давањето на т.н. бустер доза. Третата доза се користи поради ограничен, односно послаб имунолошки одговор. Третата доза треба да се сфати како дополнителна доза кај лица за кои се претпоставува дека не развиле целосен или задоволителен имунолошки одговор. За разлика од дополнителната доза, бустер дозата е вакцина која се применува со поголемо ременско растојание од примарната серија на вакцинација за да се продолжи времетраењето на заштитата добиена со примарната вакцинација.
МАСКИТЕ ШТИТАТ ЕФИКАСНО
Многу истражувања до денес потврдиле дека маските штитат од инфекција, никој не знае точно колку, но експертите проценуваат дека околу 70 проценти или повеќе. Но, маската мора да ја носите правилно, важно е да ви е прилепена за лицето, дури и ако е платнена. Исто така, внимавајте да не ја носите постојано истата маска, ако е можно исперете ја, а ако не, користете нова.
“Мора да можете да дишите преку маската, но таа не смее да има празен простор околу кожата. Најважно е да е удобна за носење бидејќи понекогаш ќе мора да ја имате на себе со часови.
