Како да се спречи сезонското пореметување на однесувањето, одговара докторката по семејна медицина, Ивана Прпиќ Знидарчиќ
За време на зимските месеци, пациентите почесто се јавуваат во ординациите на семејните, односно матичните лекари, поради пореметување на однесувањето, односно сезонско пореметување на однесувањето кое се нарекува и сезонска депресија. Статистички гледано во текот на зимскиот период доаѓа до општ пораст на депресијата, а почеста е кај жените, во споредба со мажите.
Се смета дека главна причина за сезонската депресија е намалената количина на дневна светлина, за време на есента и зимата, што предизвикува намалено излачување на серотонин, кој е познат како хормон на среќата. Тој е многу важен во лекувањето на депресијата, анксиозноста, стравовите, пореметување на спиењето и чувството на осаменост.
Освен тоа во текот на зимата пациентите се повеќе ориентирани на затворен простор, помалку се движат, а движењето и физичката активност се исто така важни за лачењето на серотонинот.
Како да се спречи ова сезонско пореметување?
Значи, со оглед на наведеното, пациентите би требало што повеќе да се движат на отворено, да се вклучи вежбањето во секојдневната рутина, зависно од сопствените можности. Лекарот најдобро ќе процени, оти го познава својот пациент оти го следи со години. Тој најдобро ќе процени дали во конкретниот случај ќе биде доволна промена на животниот стил или е потребно да асе вклучи антидепресивна терапија, односно дали ќе биде потребно да се препрати кај психијатар.
За време на периодот од есен и зима, кога има помалку дневна светлина, а луѓето се повеќе во затворено , тогаш поподложни на сезонската депресија се оние лица кои имаат намалено расположение, склони се кон депресија, имаат одредени семејни проблеми, доаѓа време на празници, па лицата кои се сами и кои немаат доволно пријатели и опкружување.
