Очите директно се поврзани со нашиот мозок и може да дадат важни податоци за нашето здравје и когнитивните функции.
“Приближно околу 70 отсто од мозокот е поврзано со мозокот, а околу 80 проценти од сите сензорни информации ги примаме низ очите, па така ретината во себе чува податоци за невролошката состојба“, открива д-р Роберт Лајман, офталмолог. “Кај многу невролошки нарушувања, очите се првиот знак кој може да ги открие нарушувањата“.
ЗАМАТЕН ВИД
Заматениот вид може да биде предизивкан од бројни проблеми, а некои е многу лесно да се откријат – во прашање може да биде потреба за нови очила или имате проблем со клума уредот. Но, некои причини се многу посериозни. “Може да бидат во прашање рефракциски грешки, дисфункција на бинокуларниот вид, системска болест на окото или некои опасни причини како што е тумор на мозокот“, предупредува д-р Лајман.
Втора потенцијални опасна причина за матен вид може да биде и мултпла склероза која може да предизвика воспаление на нервите што ги поврзуваат очите и мозокот, а се нарекува оптички нерв.
“Тоа ќе предизвика состојба наречена оптички невритис што може да предизвика заматен вид, неможност да се препознаат боите и болка при движење на окото“, додава докторот. Може да се појави само на едното око и може да биде придружена и со други симптоми како што се замор, вртоглавица и чувство на слабост.
ДВОЕН ВИД
Во цртаните филмови често се гледа како пред очите се појавуваа ѕвездички пред очите кога удираме со главата, но всушност визуелните симптоми и се вообичаен симптом на повреда на мозокот.
“Околу 90 проценти од пациентите со трауматски повреди на мозокот ќе страдаат од визуелни нарушувања. Симптомите не се секогаш видливи, но тие може да вклучуваат двоен вид, чувствителни очи и дамки на сликата“, објаснува д-р Лејман. Тој наведува дека е важно да се обратите кај специјалист за вид доколку сте доживеале некаква траума на главата, колку и да изгледа мала, бидејќи и тие можат да влијаат на видот и само специјалист ќе може да постави дијагноза.
ГУБЕЊЕ НА ВИДОТ
“Очите содржат елементи на периферниот нервен систем, па чуваат и важни информации за невролошкото здравје. Со други зборови, вашите очи можат да кажат многу за здравјето на целото тело, вклучувајќи го и мозокот”, наведува д-р Лајман.
Кога ќе дојде до губење на видот, тоа може да биде поради одлепување на мрежницата, но понекогаш може да биде и симптом на тумор на мозокот. “Ако постои тумор на мозокот, може да дојде до притисок на оптичкиот нерв, па може да дојде до слепило. Кај многу пациенти губењето на видот се случува постепено, почнувајќи со заматен вид, двојна слика, а како што расте туморот, тој ќе притиска на оптичкиот нерв и предизвикува губење на видот“, објаснува лекарот.
НАМАЛЕН ПЕРИФЕРЕН ВИД
Кога гледаме нешто со аголот на окото, користиме периферен вид. А кога има некои промени, кои вклучуваат намалена можност за периферен вид, тоа може да биде сигнал за Алцхајмерова болест.
“Многу лица кои имаат Алцхајмерова болест имаат и критично оштетување на видот каде што всушност нема проблеми со очите, но мозокот не ги обработува добро визуелните информации“, објаснува Кендра Фароу, научник од Центарот NRTC во Америка. Мозокот не може да го протолкува она што се гледа, а д-р Фароу објаснува дека оваа состојба може да се опише како гледање низ цевка. Доколку забележите промени во периферниот вид или какви било промени што ве загрижуваат, задолжително консултирајте се со лекар што е можно поскоро.
